ot 1. Naqd pulsiz, pulini keyin toʻlash sharti bilan boʻlgan yoki boʻladigan savdo muomalasi; kredit.
Molni nasiyaga olmoq. Nasiyaga sotmoq.
[Mirzakarimboy:] naqd pulga mol chaqqon boʻlgan zamonda siz ancha molni nasiyaga sotibsiz. — Oybek, Tanlangan asarlar
Jahon ota allakimning boqib qoʻygan qoʻzisini nasiyaga olib keldi. — R. Rahmonov, Changalzordagi sharpa
2. Shunday savdo muomalasiga muvofiq toʻlanadigan pul, qarz.
Endi gap shu: oyoqni qattiq tirang. Qozoqlardan nasiyani tezroq undiring, durustmi? — Oybek, Tanlangan asarlar
3. koʻchma s. t. Darhol bajarilmaydigan, qilinmaydigan, berilmaydigan.
Bu vaʼdalaringiz hammasi nasiya.
Kirib tarvuzni qoʻliga beraman-u, salom-alikni nasiya qilib, quyon boʻlaman. — S. Ahmad, Saylanma
- Nasiya savdo Amalga oshmaydigan ish; puch, xom gap. [Mirzakarim Masturaga:] Kel, nasiya savdoni qoʻy, naqddan gapiraver! — Hamza, Tanlangan asarlar