Поиск

sft. 1. Oʻrnak boʻla oladigan, oʻrnak, ibrat olsa boʻladigan.

Namunali xoʻjalik. Koʻklamgi chigit ekishni namunali oʻtkazish.

2. Hammaga ibrat boʻlsin uchun maxsus tashkil etilgan, uyushtirilgan, oʻtkazilgan.

Namunali sud.

ot 1. Bir turdagi narsalarning shu narsalar haqida tasavvur bera oladigan bir nusxasi, boʻlagi, donasi.

Gazlama namunasi. Gʻalla namunalari koʻrgazmasi.

2. Timsol, misol.

Qutbiddinlar ikki kun davomida lojuvard konini oʻrganishdi, oʻn kilogrammcha namuna olishdi. — S. Karomatov, Oltin qum

Yusufjon qiziq Shakarjonovning hayotiy va ijodiy yoʻli kamtarlik, mehnatsevarlik va xalqqa sidqidildan xizmat qilishning yorqin namunasidir. — T. Obidov, Yusufjon qiziq

3. Oʻrnak boʻla oladigan, ibrat olsa, ergashsa arziydigan shaxs yoki narsa; ibrat, oʻrnak.

U mehnatsevarlikda hammaga namuna. Namuna koʻrsatmoq. Namuna olmoq. Namuna maktabi.

— Biz maktabimiz bilan faxrlanamiz. Bu yerni bitirib ketganlar bizga namuna va oʻrnak, — dedi Aʼzam Rasulov. — E. Raimov, Ajab qishloq

sft. ayn. Namunali.

Rayon boʻyicha emas, Oʻzbekiston boʻyicha eng obroʻli, namunaviy kolxozlar qatoriga koʻchadi. — A. Qodiriy, Obid ketmon

Jamoatchilik ishlarida faol qatnashayotgan, oʻzining namunaviy xulqi, odobi bilan tengdoshlariga oʻrnak boʻlayotgan Barno zimmasiga masʼuliyatli vazifa yuklandi. — Gazetadan