Қидирув

сфт. 1. Ҳал қилиниши, ечилиши маҳол бўлган; қийин, оғир.

Мушкул иш. Мушкул вазифа. Мушкул аҳвол.

Ёʻлчи ўзи учун мушкул масалани, яъни хўжайин олдига кириб, ундан пул талаб қилишни ўйлади. — Ойбек, Танланган асарлар

Биродари азиз, аҳволингиз мушкул, ачинаман, илло кўмаклашишнинг уддасидан чиқолмайман. — Р. Файзий, Чўлга баҳор келди

2. от Қийин иш, оғир аҳвол, қийинчилик.

Тўламат мўйлов, Шербекнинг мушкулини бирга тортишаётгандек, ўйга чўмди. — С. Анорбоев, Оқсой

[Навоий:] Шоҳим, ҳар бир мушкулни ақл ва совуққонлик ҳал қилади. — Уйғун ва И. Султон, Алишер Навоий.

3. от кам қўлл. Ишкал чиқарувчи, чатоқчи, чатоқ.

[Сафар бўзчи:] Бирорта мушкул иғво қилдими, закотчининг томоғи тақилладими, қўлтиғимдаги бўзни ёппа олди-қўйди. — А. Қодирий, Меҳробдан чаён

[Юсуфбек:] Ҳой Тўла, ҳушёр бўл! Мени биласан-ку, йигит-яланг ичида гапимни бермай юрган мушкулман. — Ҳамза, Паранжи сирлари

Güçlükler, zorluklar, engeller.МУШКУЛОТ, ҚИЙИНЧИЛИК

от 1. кт. айн. Мушкуллик.

Ёрмат катта мушкулот қаршисида қолган одам каби, бошини тебратиб, бир тутам соқолини юла бошлади. — Ойбек, Танланган асарлар

Бу оғир мушкулотдан нажот истаб, қайси бир эшикни тақиллатмасин, ҳеч биридан марҳамат нидоси чиқмади. — М. Исмоилий, Фарғона тонг отгунча

2. мус. Мақомнинг биринчи чолғу қисми.

Мушкулоти — Уфор

от Мушкул ҳолат, мушкул нарса.

Бу мушкулликдан қутулишнинг ёʻли фақат битта. — Газетадан

деҳқонларимиз об-ҳаво шароити ноқулай келганлиги сабабли келиб чиққан мушкулликларни мардонавор енгдилар. — Газетадан

от дин. Кишининг мушкулини осон қилиш, ишини юргизиш мақсадида қилинадиган дуо ва ирим-сиримлар ва уни ўтказиш йиғини.

бахцизликнинг олдини олиш мақсадида чиллаёсин, мушкулкушод, биби сешанба ўқитиш — ҳаммаси диний хурофотлардир. — Газетадан

Мен Қутлуғ кампирникига мушкулкушодга бораман, сен уйда қимирламай ўтиргин. — Э. Раимов, Ажаб қишлоқ

фл. Мушкул бўлмоқ, қийинлашмоқ, оғирлашмоқ.

Иш мушкуллашди. Вазият мушкуллашди.

Ҳосилни ёғингарчилик бошлангунча йиғиб-териб олмасак, қора совуқ тушгандан кейин иш янада мушкуллашади. — М. Назаров, Бўз йигит