Поиск

ot 1. Mumkin ekanlik.

Oʻz sirlarining Yoʻlchi tomonidan ochilishi mumkinligidan qoʻrqqanligidan boʻlsa kerak, Nuri tuhmatni tarqatishga ortiqcha urinmadi. — Oybek, Tanlangan asarlar

2. s.t . Imkoniyat, imkon.

[Maryam:] Bu kun besh-olti kundan beri siz bilan koʻrisharmikanman, deb koʻp intizor boʻlsam-da, mumkinlik boʻlmadi. — Hamza, Kim oʻgʻri?

sft. 1. Imkoni, imkoniyati bor, boʻladigan, amalga oshadigan.

Qani endi hayotdagi sanoqsiz ehtimollarning barisiga javob topish mumkin boʻlsa. — S. Karomatov, Oltin qum

Undan oʻtib, darvoza orqali Dishan qalʼaga chiqish mumkin. — S. Siyoyev, Yorugʻlik

Kapsanchilar zimmalariga tushgan vazifalarni mumkin qadar tezroq bajarishga soʻz berib tarqalishdi. — A. Qahhor, Qoʻshchinor chiroqlari

2. Ruxsat etilgan, ijozat qilingan; joiz.

Borishingiz mumkin. Soʻrashingiz mumkin.

— Shaharda choʻchqa asrash mumkin emas, — dedi Mukarram. — A. Qahhor, Adabiyot muallimi

— Oʻzi bu yerda ichish mutlaqo mumkin emas, — dedi u ovozini pastlatib. — Guldasta

3. Ehtimoli bor, ehtimoldan uzoq, emas.

[Muharrir:] Yoʻldosheva yigirma oltinchi yilda paranji yopinib yurgan boʻlishi mumkin, buni hozir taʼna qilishda hech qanday maʼno yoʻq. — A. Qahhor, Bek