Qidiruv

fl. Moslamoq feʼlining majhul nisbati.

fl. Mos qilmoq, mos, muvofiq holga keltirmoq, muvofiqlashtirmoq.

Sheʼrni kuyga moslamoq.

Hamza oʻz asarlaridagi hajviy rollarni koʻpincha Yusufjon akaga moslab yozardi. — T. Obidov, Yusufjon qiziq

— Mardonqul aka, — dedi u boshliqning yurishiga qadamini moslab. — A. Muxtor, Buronlarda bordek halovat

ot Biror narsani bajarish uchun xizmat qiluvchi narsa, asbob va shu kabilar

Korxona mutaxassislari ishlab chiqqan maxsus moslama sexlar havosini filtrlab beradi. — Fan va turmush

Yolgʻiz kultivatorga qoʻshimcha oʻrnatilgan yer yumshatuvchi gʻildirakli moslamani yasash qanchalar ogʻir boʻldi. — Oʻzbekiston qoʻriqlari

Lagʻmon uchun ugra gidravlik press asosida yaratilgan moslamada kesilmoqda. — Gazetadan

fl. 1. Mos holga kelmoq, mos boʻlmoq, muvofiqlashmoq.

Sharoitga moslashmoq.

Ular agregat harakati va tezligi bilan moslashib aniq ishlar edilar. — Gazetadan

2. tlsh. Hokim soʻz shakliga mos shakl olmoq.

Ega bilan kesim shaxs va sonda moslashadi.

fl. Moslashmoq feʼlining orttirma nisbati.

fl. Moslashtirmoq feʼlining majhul nisbati.