сфт. 1. Ҳашаматлилиги билан катта таассурот қолдирадиган; улкан, салобатли, муҳташам; монументга хос.
Монументал бино.
Тақдим этилган лойиҳаларнинг ҳеч қайсиси монументал ҳайкални майдоннинг архитектура ансамбли билан узвий боғлашни тўла уддалай олмаган. — Газетадан
2. кўчма Асосли; мустаҳкам; улуғвор, маҳобатли, муҳташам.
Монументал тадқиқот.
Санъатимизда замонавий меъморчилик билан монументал санъат синтези тобора табиий тус олмоқда. — Газетадан
3. Улуғворлиги билан ажралиб турувчи ва юксак шаклларда ифодаланган.
Монументал ҳайкалтарошлик.
Булар деворларга ишланган монументал расмлар ва кошинкорлик безакларида қўлланадиган услуб ва воситалардир. — Газетадан