Қидирув

от Мўл миқдорга эгалик; кўплик.

Дарахтлар меванинг мўллигидан ҳар томонга эгилар. — Ойбек, Навоий.

от 1. Сутемизувчилар оиласига мансуб асосий гуруҳ уй ҳайвонлари (қорамол, йилқи, кўй, эчки, туя ва бошқалар); чорва.

Мол оласи ташида, одам оласи ичида. — Мақол

Кўксойни ёқалаб тақир чорва ёʻли ўтган. Чўпонлар бу ёʻлдан баҳорда тоша, кузда қишлоққа мол ҳайдайдилар. — С. Анорбоев, Оқсой

Бу-ку мол, териси қалин, жони бўш қўй, эчкиларимиз ҳам чўп тишлаб, тупроқ ялаб, қишни очиқ ҳавода ўтказишди. — Муштум

2. кўчма с. т. Дид-фаҳмсиз, қўпол одамга нисбатан ҳақорат тарзида қўлланади.

Жуман писмиқ, кўзларини жавдиратганича тураверди. — Гапир, мол! — деди мингбоши. — М. Исмоилий, Фарғона т. о.

3. Бисотдаги буюм; мол, бойлик.

Йигит моли ерда. — Мақол

Бу кун кечаси Тошкент қон ичида ҳукумат кишилари халқ томонидан ўлдириладилар, уйларига ўт қўйилиб, моллари талонга тушади. — А. Қодирий, Ўтган кунлар

4. Келиннинг кийим-кечаклари; сеп.

Гапнинг сираси шуки, қизнинг молини тўлатаман деб, отангиз бир оз қоқилиб қолдилар. — Муштум

5. Сотиладиган нарса, буюм; товар.

Баъзи дўконларда, ердан шипга қадар қаланган моллар орасида ўн икки-ўн уч яшар жажжи болалар ўтиради, савдо қилади, чўт қоқади. — Ойбек, Танланган асарлар

Қоракўл тери дейсизми, ипак мол дейсизми — барини вагонлаб соттирдим. — Ж. Шарипов, Хоразм

6. с. т. Кийим ва бошқа нарса учун ишлатиладиган мато.

Яхши молдан тикилган костюм.

от 1. Ҳайдалган ернинг кесакларини майдалаб текислаш ва зичлаш учун ишлатиладиган қишлоқ хўжалик асбоби, боронанинг ёғочдан ясалган жайдари тури.

Матқовул қишда ҳам тинмади. Ўзига омоч ёʻнди, мола ясади. — М. Исмоилий, Фарғона т. о.

Тупроқ обитобига етиб, шудгорларга мола тушди. — С. Нуров, Нарвон

2. Мола босмоқ Шудгор устидан мола юргизмоқ.

Тушдан кейин арпадан бўшаган ерни ҳайдаб, мола босаман. — С. Нуров, Нарвон

маълум бир шаклга солмоқформовать

ўзбекчамол, грамм-молекуларусчамоль, грамм-молекула

моллимольный