Поиск

sft. Meva beradigan; meva qiladigan.

Mevali daraxtga tosh tegadi. — Maqol

ot 1. Baʼzi daraxt va butalarning hosili.

Yeyishli meva. Yeb boʻlmaydigan meva. Hoʻl meva. Quruq meva. Meva sharbati.

Marjon kabi qizargan mevalarini koʻtara olmay, turli tomonga bosh ekkan jiyda daraxtlari uzoqdan kumush kabi oqarib koʻrindilar. — A. Qodiriy, Obid ketmon

Oʻlkamizda kuz, mevalar gʻarq pishgan palla. — Gazetadan

2. Mevali daraxt.

Said, Mirzaqumar yosh meva koʻchatlarini qoʻporar, Haydar ularni toʻplab, bogʻ-bogʻ qilardi. — Oʻzbekiston qoʻriqlari

Uncha katta boʻlmagan, chogʻroq hovlining oʻzida oʻn xilcha meva navlari bor. — J. Abdullaxonov, Oriyat.

Kechaning qorongʻuligi ustiga mevalarning quyuq yaproqlari qoʻshilib, bu maydon, ayniqsa, Otabekning hozirgi koʻngliga yaqinlashib kelar edi. — A. Qodiriy, Oʻtgan kunlar

3. koʻchma Samara, natija, mahsul.

Ilohi boʻlgaysan, bolam, barkamol. Umrimning mevasi — bir toza nihol. — Ravshan

El taomilida: keksalar hamisha maslahat berishar, yoshlar ja oʻsha maslahat mevalarini terishar edi. — M. Ismoiliy, Fargʻona tong otguncha

4. Shakarpazlik mahsulotlari, shirinlik

[Hakimboyvachcha] Rang-barang qimmatbaho mevalar, qaymoqqa qorilgan nonlar bilan toʻla dasturxon yozib, achchiq choyni quya boshladi. — Oybek, Tanlangan asarlar

sft. Mevasi yoʻq, meva bermaydigan, qilmaydigan.

Mevasiz daraxt.

ot Mevali daraxtlar bilan band joy; mevali bogʻ.

Oʻrda darvozasining sahni botmonlab hisoblangan mevazor boʻlib, bunda olma, oʻrik, nok va tut yogʻochlari hiylagina bor edi. — A. Qodiriy, Oʻtgan kunlar

Oʻzbekiston deganda, poyonsiz paxtazorlar bilan birga serhosil mevazorlar, poliz-u yaylovlar koʻz oʻngimizga keladi. Saodat.

ot

Matpano baqqolchilikka oʻtib, bir belbogʻ meva-cheva oldi. — S. Siyoyev, Avaz

ot Qishloq xoʻjaligining meva yetishtirish bilan shugʻullanadigan tarmogʻi.

Mevachilikni rivojlantirish.

Chunonchi, dehqonchilikda don ekish, sabzavotchilik, mevachilik paydo boʻldi. — Gazetadan