Қидирув

от 1. Марҳумдан ворисларга қолган мулк.

Отадан қолган мерос.

Хотинимга тегадиган меросдан мани қуруқ қилишга уринишади улар. Лекин бўш келмайман. — Ойбек, Танланган асарлар

2. ҳуқ. Мол-мулк, ҳуқуқ ва мажбуриятлар эгаси вафот этиши билан уларнинг бошқа шахс ихтиёрига ўтиши.

3. Ўтганлардан қолган, ўтган нарса, одат ва шу кабилар

Ҳужайрамнинг ҳар бўлагида Аждодлардан мерос қоним бор. — А. Мухтор

Ҳамма қизлар эрга тегиш олдида бир-бир йиғлаб олади-ку, Биби Фотимадан қолган мерос-ку. — Ойбек, Танланган асарлар

4. Аждодлардан авлодларга қолган илмий, адабий, маданий бойлик.

боболаримиз қолдириб кетган мерос ва ёдгорликлар билан яқиндан таниш бўлмай туриб, келажагимизни била олмаймиз. — Н. Сафаров, Оловли излар

от 1. Мерос олишга ҳақи бўлган киши; ворис.

Чол-кампирнинг шу боладан бошқа меросхўри ёʻқ. — А. Қаҳҳор, Асарлар

Оқ тунука томли, ичкари-ташқарили ҳовлига Дилбардан бошқа меросхўр ёʻқ. — С. Аҳмад, Уфқ

2. кўчма с. т Давом эттирувчи, ворис.

Ўзбек адабий халқ оғзаки ижодининг анъаналарини ижобий ўзлаштириб, давом эттирувчи ҳақиқий меросхўри ва давомчиси ҳамдир. — Газетадан

Акромхон ўз отасининг бирдан-бир маънавий меросхўри эди. — Ш. Рашидов, Бўрондан кучли