от 1. Ҳовли-жойга яқин очиқ ер, сайҳон ёки боғча; томорқа.
Майдон икки таноб кенгликда бўлиб, жануби қутидор ва қўшнисининг иморатлари орқасидан ва бошқа уч жиҳати ҳам шунга ўхшаш бинолардан иборат эди. — А. Қодирий, Ўтган кунлар
2. Умуман, очиқ ер, сайҳон ёки экинзор.
Пахта майдони. Экин майдони.
Илғор хўжаликларнинг чигит экилган майдонлари яшил либосга бурканди. — Газетадан
3. Бирор иш-ҳаракат, тадбир учун мўлжалланган ёки шундай иш-ҳаракат юз берадиган, бажариладиган жой.
Спорт майдони. Машқ майдони. Кураш майдони. Жанг майдони.
Мард майдонда билинар. — Мақол
Амир енгилди, аскарлари бузилиб, уруш майдонидан қочдилар. — С. Айний, Қуллар
Айниқса, улоқ бўлаётган майдонда тумонат одам. — К. Яшин, Ҳамза
4. кўчма Жабҳа, соҳа, доира.
Иш майдони. Мафкура майдони.
Мен қирқ йилдан буён адабиёт майдонида қалам тебратиб келяпман. — Ойбек, Халққа хизмат — бахт
5. физ. Бирор физик ҳодиса рўй берадиган ёки унинг таъсири сезиладиган фазо.
Электр майдони. Магнит майдони.
- Майдонга келмоқ Юзага келмоқ, пайдо бўлмоқ, туғилмоқ.
- Майдонга ташламоқ (ёки отмоқ) Шиор, фикр, мулоҳаза ва шу кабиларни ўртага ташламоқ.
- Майдонга чиқмоқ 2. Юзага чиқмоқ, амалга ошмоқ;
- Ўзи хон кўланкаси майдон
- Қиз майдон