Поиск

ot 1. Biror maqsad uchun kerakli xomashyo, modda.

Qurilish materiallari. Bodomning yogʻochi duradgorlik va uskunasozlik uchun yaxshi material hisoblanadi.

Zargar materialning konstruktiv va egiluvchanlik imkoniyatini yaxshi bilishi kerak. — Gazetadan.

2. Asos yoki dalil vazifasini oʻtaydigan maʼlumot, manba va shu kabilar

Ilmiy ish uchun material toʻplamoq.

Oʻzbekistonlik jangchi yigitlarning partizanlar harakatiga qoʻshilib, shafqatsiz jang olib borganliklarini arxiv materiallari asosida oʻrganib, jonlantirdim. — Nazarmat, Joʻrlar baland sayraydi

3. Umuman, biror narsa haqida mavjud boʻlgan, tayyorlangan, eʼlon qilingan narsa.

Jurnal sahifalaridan oʻrin olgan materiallarning hammasi ham bir saviyada emas. — F. Musajonov, Himmat

Baʼzan idorada gazeta uchun material tayyorlash qiyin boʻlganidan, Mustahkam akaning choyxonasida kechalari material ishlab, ertalab ishga kelardim. — N. Safarov, Olovli izlar

4. Gazlama, mato.

Kostyumbop material. Shimlik material.

ot 1. fls. Materializm tarafdori, materializm yoʻlidan boruvchi kishi.

Har qancha materialist boʻlsam ham, ilhom holatining sehrli ekaniga ishongim keladi. — U. Normatov, Talant tarbiyasi

2. s. T. Hayotga faqat oʻzining moddiy manfaati nuqtai nazaridan yondashuvchi kishi.

ot 1. fls. Idealizmga qarama-qarshi oʻlaroq, materiyaning, obyektiv borliqning birlamchiligini, uning kishilar irodasi, ruhi, ongiga bogʻliq boʻlmagan holda mavjudligini, ruh, ongning esa ikkilamchiligini, obyektiv borliq va uning qonuniyatlarini bilish mumkinligini taʼkidlashga asoslangan falsafiy yoʻnalish, oqim.

2. s. t. Borliqqa, hayotga real, moddiy nuqtayi nazardan yondashish.

sft. Materializmga oid, materializm prinsiplariga asoslangan.

Materialistik falsafa. Materialistik dunyoqarash.

ot 1. Fotosurat va kino olishda ishlatiladigan materiallar (fotoqogʻoz, plyonka, xilma-xil yorugʻliksezgir ximikatlar).

Stansiya binosiga pochta, oziq-ovqat, yangi priborlar, kino va fotomateriallar olib oʻtildi. — Gazetadan

2. Biror maqsad uchun foydalanish mumkin boʻlgan turli fotosuratlar, fotografiya mahsulotlari.

Koʻrgazma uchun fotomaterial tayyorlash.

ot ayn. Videokontent.