Қидирув

от эск. кт. Кенгаш, маслаҳатлашиш.

Бобур бугун пешинда ишонган бекларини тўплаб, машварат ўтказди. — П. Қодиров, Юлдузли тунлар

Афтидан, улар кимнидир кутар, шу кишисиз машваратни бошлай олмай ўтиришар эди. — С. Сиёев, Ёруғлик

от Машваратда қатнашувчи; кенгаш, маслаҳат берувчи.

Кўканбой эртасиёқ Боғиболога эниб бориб, бир тўда машваратчи хотин-халажни эргаштириб қайтди. — Э. Аъзам, Олам ям-яшил

от Машварат ўтказиладиган (ўтказилаётган) жой, хона.

— Ассалому алайкум, — деб ўн бир ёғочли кенг-мўл машваратхонага дадил кириб борди Жаҳон Отин. — М. Осим, Карвон ёʻлларида

рвш. кт. Кам қўлл. Кенгашмасдан, келишиб олмасдан, маслаҳат қилмасдан.

Улардан бемашварат иш қилинмагай. — Ойбек, Навоий