от 1. Бирор фаолиятни пухта ўрганиш, малака ҳосил қилиш учун бажариладиган иш, тайёргарлик машғулоти.
Ҳарбий машқ. Машқ қилмоқ.
Сидиқжон кўкрагини сандалга бериб, хат машқ қилар, Канизак унинг рўпарасида китоб ўқиб ўтирар эди. — А. Қаҳҳор, Қўшчинор чироқлари
— Иш ёмон, — деди келган милиционер, —
кўпи машқ кўрмаган, ҳали милтиқ отишни билмайдиган милиционерлар, қўлидан нима келар эди. — С. Айний, Қуллар
Узоқ машқлар бекор кетмаган эди. Хоннинг қўшини гўё бир тан, бир жон бўлиб ҳаракат қилар эди. — П. Қодиров, Юлдузли тунлар
2. Маълум мақсадда бажариладиган, қилинадиган муайян иш, ҳаракат.
Имлога оид машқлар. Жисмоний машқлар.
Болалар бир-бирларининг қўлларини ушлашиб, гимнастика машқларини енгил ва чиройли бажарадилар. — Газетадан
- Машқ қилмоқ Машқ тарзидаги иш, ҳаракат ва шу кабиларни бажармоқ. Тиришиб машқ қилишим орқасида ҳам сабоқ ўртоқларим орасида иншо ёзишда пешқадам бўлдим. — Н. Сафаров, Оловли изларҒанишер бугун уйқудан тиниқиб турди, олдинга ва орқага энгашиб машқ қилди. — Ўзбекистон қўриқлари
- Машқини олмоқ Яхши малака ҳосил қилмоқ, ҳавосини олмоқ, обдан эгалламоқ. У 1930 йиллар қишлоқ советига котиб бўлганидан бери мажлисларда сўзлаш машқини олган эди. — С. Аҳмад, Қадрдон далалар.