Qidiruv

Kommunikatsiya tarmogʻida maʼlumotlar bloki haqiqiy oluvchiga yetib borishi mumkin boʻlgan marshrutni aniqlash jarayoni. Marshrutlash obyekt manzilini ushbu blok uzatiladigan kanallar roʻyxatiga aylantirishni taʼminlaydi. Marshrutlash taqsimlangan jarayon boʻlib, maʼlumotlar marshrutizatorlariga ega boʻlgan tarmoqning barcha bogʻlamalari tomonidan amalga oshiriladi. Buning uchun har bir bogʻlama chaqiruv yoki maʼlumotlar blokini marshrutlash lozim boʻlgan kanalni aniqlaydi. Tarmoqlarda marshrutlashning turli uslublari qoʻllaniladi: - Tanlab marshrutlashning xususiyati shundaki, maʼlumotlar bloklari, ular haqiqiy oluvchiga yetib bormasligi mumkinligini nazarda tutgan holda, birdaniga bir necha yoʻnalish boʻyicha joʻnatiladi. Bunda marshrut oldindan tanlanib, u tarmoq holatiga bogʻliq emas. - Belgilangan marshrutlash tarmoqning mumkin boʻlgan trafigining eng samarali marshrutlarini koʻrsatuvchi marshrutlari jadvalini tuzishni nazarda tutadi. - Moslashtiriladigan marshrutlashning belgilangan marshrutlashdan farqi shundaki, marshrutlari jadvallari trafik oʻzgarishlariga qarab yangilanib turadi. - Ehtimoliy marshrutlashda maʼlumotlar bloklarini uzatish tasodifiy tanlash nazarda tutiladi, bunda ular haqiqiy oluvchiga yetib borishi aniq deb hisoblanadi.inglizcharoutingruschaмаршрутизация

Sizni qiziqtirgan kompyuterga (tracert buyrugʻi bilan bajariladigan) paketlar oʻtib keladigan marshrutizatorlar (bogʻlamalar) toʻgʻrisidagi axborotni olishning tartiblangan jarayoni. U marshrutlash xatoliklarini topish imkonini beradi, masalan, “davraga tushib qolish”, yaʼni, xostdan xostgacha halqa boʻylab paketlarni uzatish.inglizchatrace routingruschaтрассировка маршрутизации

1. URLni qayta marshrutlash. Veb-sayt yoki veb-sahifa boshqa manzil orqali kira olishni taʼminlash usuli. Veb-sayt manzilining oʻzgarishi yoki foydalanuvchi tomonidan notoʻgʻri yozilishida (masalan, maktab.uz oʻrniga matkab.uz) toʻgʻri veb-saytga marshrutlash uchun ishlatiladi. Baʼzi hollarda uzun URL oʻrniga uning qisqa variantini ishlatish ham mumkin.inglizcharedirectruschaперенаправление

2. Informatikada buyruq qobiqlariga (masalan, UNIX) xos xususiyat boʻlib, u standart oqimlarni foydalanuvchi tomonidan belgilangan joyga, masalan, faylga qayta marshrutlashga imkon beradi.

Tarmoqda marshrutlash usuli. Qaydlangan marshrutlash moʻljallanayotgan tarmoq trafigining samaraliroq yoʻllarini koʻrsatuvchi yoʻnalishlar jadvalini tuzishni koʻzda tutadi. Bunda yoʻnalish avvaldan tanlanadi va tarmoqning holatiga bogʻliq boʻlmaydi.inglizchafixed routingruschaфиксированная маршрутизация