Қидирув

от 1. кт. Ўрин, жой.

2. Мартаба, мавқе.

Олий мақомга эришмоқ.

Бу учинчи оилага кўчишда Анварни энг хурсанд қилган нарса мактабдаги болаларнинг озор беришларидан қутулиши ва домланинг асранди ўғли мақомини олиши бўлди. — А. Қодирий, Меҳробдан чаён

3. ҳуқ. Сайлаб қўйиладиган шахслар, фуқаролар, давлат идоралари, ташкилот, муассаса, халқаро ташкилотларнинг меъёрий ҳужжат билан расмийлаштирилган ҳуқуқий ҳолати.

Таъсис ҳужжатлари тўла-тўкис ва нуқсонсиз бўлса, диний ташкилот давлат рўйхатига олиниб, юридик шахс мақомига эга бўлади ва қонун доирасида фаолият юрита бошлайди. — Газетадан

4. дин. Тасаввуфда ҳар бир суфий босиб ўтиши лозим бўлган босқичлардан бири ёки ҳар бири (аксар манбаларда тўрт мақом: шариат, тариқат, маърифат, ҳақиқат тилга олинади).

от Шашмақомни биладиган, мақом куйларини ижро этадиган созанда, хонанда.

Ўзбекистон радиоси ҳузурида мақомчилар ансамбли ташкил топганига кўп вақт бўлгани ёʻқ. — Газетадан.

сфт. Юқори даражали, юксак.

Ошнога ошно бўлсам, олиймақом рағбатлар олсам, мен ўзимнинг ҳам Яхшибоевга айланишим муқаррар бўлиб туюлади. М. — М. Дўст, Лолазор

с. т. Қойил қолса арзирли, кишини қойил қолдирадиган; ажойиб.

Қойилмақом иш. Қойилмақом рақс. Қойилмақом кийим.

Киройи бригадир бўлса, Комилжондақа бўлсин. Тўртинчи чопиқни ҳам муддатидан олдин қойилмақом қилворди, дейишаётибди. — Уйғун, Ҳаёт қўшиғи

Суратда сиз кўриб турган болакай Оғабекнинг қўшиқларини ёддан қойилмақом қилиб ижро этади. — Газетадан

от мус. Ўзбек ва тожик халқлари мусиқий меросида марказий ўрин тутган мақомлар туркуми; парда, оҳанг, усул, шакл, услуб каби воситалар билан ўзаро узвий боғланган, Бузрук, Наво, Дугоҳ, Сегоҳ. Рост, Ироқ мақомларидан ташкил топган мумтоз куй ва ашулалар мажмуи.

Классик мусиқамиз мероси — шашмақомни тўла грампластинкага ёзиб олиш, шубҳасиз, ғоят мураккаб иш. — С. Кароматов, Классик меросимиз — халққа

Юсуфжон қизиқ шашмақомларни, яъни йилнинг тўрт фаслига мосланган поемаларни ҳам яхши биларди. — Т. Обидов, Юсуфжон қизиқ