Қидирув

от 1. Фаришта.

Нечук безовтасан, барвақт турибсан? Малак янглиғ ўзинг танҳо юрибсан? — Уйғун ва И. Султон, Алишер Навоий.

2. кўчма Гўзал аёл, нозанин.

мендаги бу ўзгариш манбаи уй ичида ухлагувчи бир малак эди Сиз эдингиз! — А. Қодирий, Ўтган кунлар

от Касбни, ишни яхши ўзлаштириш натижасида орттирилган тажриба, кўникмалар; маҳорат.

Малака ҳосил қилиш. Малака ошириш.

Қамбар келиб, ўзининг малака орттирган хизматини бажара бошлагач, Ёʻлчи қоронғи супадаги тақир намат устига чўзилди. — Ойбек, Танланган асарлар

Жангчилар зарур бўлган малакани орттириши биланоқ бетўхтов фронтга юборилади, деб тахмин қилган эди. — А. Қаҳҳор, Олтин юлдуз

сфт. Малакага, тажрибага эта бўлган, катта малака орттирган.

Малакали кадрлар. Урта малакали ишчи. Юқори малакали мутахассис.

фл. Малакаланмоқ феълининг орттирма нисбати.

от 1. Қиз болаларнинг ҳали унча ўсмаган, ёйилиб кетмаслиги учун, пахта пилик қўшиб ўрилган сочлари.

У [Раъно] қулоқлари устидаги жамалак сочларини ликиллатиб, апил-тапил оқ пақирчадаги сутни товоқларга қуяётибди. — Ҳ. Назир, Сўнмас чақмоқлар

2. фолк. Сохта кокил.

Кал қиз ҳам, қирқта қизни ўзига ёллаб олиб, қора иплардан орқасига жамалак қилиб, бу ҳам мис патнисларга солиб, кўтартириб жўнади. — Муродхон

3. шв. Сочга тақиладиган зийнат асбоби; сочпопук.

от 1. Қаттиқ ёғочнинг бир учидан иккинчи учига ип тортиб эгиб, ярим доира шаклида ясалган, найза-ўқ солиб отиладиган қадимий ов ва жанг қуроли; ёй, камон.

Афанди елкасига камалакни осиб узоқ бир кўлга ғоз овлагани кетди. — Латифалар

Эрмана полвон камалагидан девга қараб ўқ узибди. — Олтин бешик

2. Қуёш нурининг ёмғир, фаввора томчиларида синиши натижасида ҳавода турли рангда ярим доира шаклида кўринадиган ёʻл; ёй.

Дарахтларнинг орқасида қизил, кўк, пушти ва зангор чизиқлар билан товланиб турган камалак кўринди. — И. Раҳим, Ихлос