Қидирув

н culture, standard of culture, being civilized (cultured)

сфт. 1. Маданиятга оид, маданият, илм-маърифат билан боғлиқ, маданият соҳасидаги.

Маданий инқилоб. Маданий эҳтиёжлар. Маданий мерос.

Корхонада ёшлар ўртасида маданий тадбирлар кўплаб ўтказилади. — Газетадан

2. Маданиятли, маданиятни эгаллаган; маданиятга эришган, маданият талабларига жавоб берадиган.

Маданий одам. Маданий оила. Маданий қишлоқ. Маданий ҳаёт.

Кўпчилиги уларга ёқди хушмуомала, маданий одамлар экан. — Таниш башаралар

Музей, театрларга қатнайман тез-тез Маданий бўлсин-да бу уч зумрашанг! — А. Мухтор.

3. қ. ҳ. Киши қўли, меҳнати билан экиладиган, етиштириладиган.

Маданий экинлар. Маданий ландшафт.

Маданий ўсимликлар етиштириладиган тупроқ тоғ жинсларидан ўзининг унумдорлиги билан фарқ қилади. — Фан ва турмуш

Бизнинг мўтадил иқлимимизда асаларилар ёввойи ва маданий ҳолда кўплаб учрайди. — М. Тўйчиев, Асаларичилик

от 1. Жамиятнинг ишлаб чиқариш, ижтимоий, маънавий-маърифий ҳаётида қўлга киритган ютуқлари мажмуи.

Бугунги Тошкент — йирик саноат, фан ва маданият марказларидан бири. — Саодат

Алифбо — инсон ҳаётининг, инсон камолининг энг буюк ижодиёти; жаҳон маданияти, бутун илм, ўлмас бадиий, фалсафий, ахлоқий бойликлар шу ҳарфларга асосланган. — К. Яшин, Ҳамза

2. Бирор ижтимоий гуруҳ, синф ёки халқнинг маълум даврда қўлга киритган шундай ютуқлари даражаси.

Мусиқа маданияти. Нутқ маданияти.

Ҳар икки йилда ўтказилаётган бу кинофорум унда қатнаша-ётган мамлакатлар кино маданиятида катта воқеа бўлаётир. — Газетадан

Ислом маданиятини ривожлантиришга катта Ҳисса қўшган муҳтарам зотларнинг номлари бутун оламга машҳур. — К. Яшин, Ҳамза

3. Ўқимишлилик, таълим-тарбия кўрганлик, зиёлилик, маърифат.

Маданиятдан орқада қолмоқ. Маданиятга эришмоқ.

Одамларнинг хулқ-атвори, маданияти ана шу бойликларга, хусусан, нота бўлган муносабати билан ўлчанади. — Газетадан

Тарбиячи сўз билан таъсир қилиш маданиятини эгаллаши зарур. — Фан ва турмуш

4. Маданиятли шахс талабларига жавоб берувчи шароит.

Депутатнинг халқ фаровонлигини ошириш, турмуш маданиятини юксалтириш борасидаги ишларидан меҳнаткашлар мамнун. — Газетадан

5. қ.х. (Ўсимлик ёки экиннинг турларини) етказиш, ўстириш, етиштириш.

Хусусан, деҳқончилик маданияти бобида илгарилаб кетди улар. — Н. Ҳайитқулов, Ер тафти

сфт. Маданиятга эришган, маданиятни эгаллаган; маърифатли.

Маданиятли одам. Маданиятли оила.

сфт. Маданияти ёʻқ, маданиятдан орқада қолган; маърифациз.

айн. маданий-оқартув.