Qidiruv

ot 1. Oʻqish-oʻrganish natijasida olingan bilim koʻnikmalari hajmi va darajasi.

Boshlangʻich maʼlumot. Oʻrta maʼlumot. Oliy maʼlumot. Siyosiy maʼlumot.

Hozir maktabdagi oʻqituvchilar oliy va maxsus maʼlumotga egalar. — N. Safarov, Olovli izlar

Qiz oʻn olti yoshgacha bu oilada musiqa muallimi boʻlgan kambagʻal amakining tarbiyasida oʻsadi, ibtidoiy tahsil koʻradi, musiqadan ham bir oz maʼlumot oladi. — Oybek, Tanlangan asarlar

2. Xabar, axborot; dalil boʻladigan hujjat, raqam va shu kabilar materiallar.

Kechqurun qishloqqa tergovchi keldi. Dastlab Meli polvonni chaqirib, maʼlumot oldi. — P. Tursun, Oʻqituvchi

Olimlarimizning bergan maʼlumotlariga qaraganda, limonni ekib, qalamcha, payvand va parxish qilib koʻpaytiriladi. — Gazetadan

Mirzo saroyidan bizga yetib kelgan maʼlumotlar shuni koʻrsatadiki, fargʻonaliklar bizdan kam, ish koʻrgan sarbozlari oz. — Mirmuhsin, Meʼmor

sft. Maʼlumot olgan, maʼlumoti bor; oʻqimishli.

Maʼlumotli odam. Urta maʼlumotli bola. Oliy maʼlumotli pedagog.

Xalq baxtini izlovchi maʼlumotli kurashchilar lozim. — Oybek, Nur qidirib

ot 1. Fuqarolarning turmushi va ish faoliyatiga oid voqea-hodisa va holatlarni aks ettirib tasdiqlab beradigan va talab qilingan joylarga taqdim etiladigan (koʻrsatiladigan) rasmiy hujjat.

Sogʻligʻi haqidagi maʼlumotnoma. Ish (yashash) joyi haqida maʼlumotnoma olmoq.

2. Korxona, muassasa va shu kabilar faoliyatiga doir voqea-hodisalarni rasmiy ravishda aks ettiradigan va tasdiqlaydigan, xilma-xil maʼlumotlarni qamrab oluvchi rasmiy hujjat.

Vagonlarda Moskvaga maʼlumotnomalar olib borayotgan xodimlar bor edi. — T. Rustamov, Mangu jasorat

3. Biror soha yoki masala boʻyicha maʼlumot beradigan kitob, qoʻllanma va shu kabilar

Oliy oʻquv yurtlariga kiruvchilar uchun kimyodan maʼlumotnoma. Amaliy vrachlar uchun pediatriyadan maʼlumotnoma.

ot Maʼlumotga egalik.