Поиск

adv it is known that

sft. 1. Hamma yoki tegishli kishilar biladigan, oshkor, ayon.

Maʼlum narsa. Maʼlum joy.

Qorailon faqat ikki kishiga maʼlum: ularning biri — Mirzo, ikkinchisi — Shoh Malik tarxondir. — Mirmuhsin, Meʼmor

Bu vazifani bajarish benihoya ogʻir boʻlajagi razvedkachilarning axborotlaridan maʼlum edi. — T. Rustamov, Mangu jasorat

2. mat. Oldindan berilgan, mavjud.

Maʼlum sonlarni nomaʼlumlardan ajratish.

3. Belgili, muayyan.

Oradan maʼlum muddat oʻtib, darvozaning soʻnaqaysiz taqillashidan [Hasanali] choʻchib uygʻondi. — A. Qodiriy, Oʻtgan kunlar

Urf-odat va anʼana, goʻyo jadvalga yozilgandek, maʼlum tartib bilan davom etdi. — Oybek, Tanlangan asarlar

4. Mashhur, nom chiqargan.

Maʼlum odam.

Bilgi.

ot 1. Oʻqish-oʻrganish natijasida olingan bilim koʻnikmalari hajmi va darajasi.

Boshlangʻich maʼlumot. Oʻrta maʼlumot. Oliy maʼlumot. Siyosiy maʼlumot.

Hozir maktabdagi oʻqituvchilar oliy va maxsus maʼlumotga egalar. — N. Safarov, Olovli izlar

Qiz oʻn olti yoshgacha bu oilada musiqa muallimi boʻlgan kambagʻal amakining tarbiyasida oʻsadi, ibtidoiy tahsil koʻradi, musiqadan ham bir oz maʼlumot oladi. — Oybek, Tanlangan asarlar

2. Xabar, axborot; dalil boʻladigan hujjat, raqam va shu kabilar materiallar.

Kechqurun qishloqqa tergovchi keldi. Dastlab Meli polvonni chaqirib, maʼlumot oldi. — P. Tursun, Oʻqituvchi

Olimlarimizning bergan maʼlumotlariga qaraganda, limonni ekib, qalamcha, payvand va parxish qilib koʻpaytiriladi. — Gazetadan

Mirzo saroyidan bizga yetib kelgan maʼlumotlar shuni koʻrsatadiki, fargʻonaliklar bizdan kam, ish koʻrgan sarbozlari oz. — Mirmuhsin, Meʼmor

Bilgili.

sft. Maʼlumot olgan, maʼlumoti bor; oʻqimishli.

Maʼlumotli odam. Urta maʼlumotli bola. Oliy maʼlumotli pedagog.

Xalq baxtini izlovchi maʼlumotli kurashchilar lozim. — Oybek, Nur qidirib