Поиск

ot 1. Chuchuk suv havzalarida yashovchi, yirtqich yoki parazit holda kun kechiruvchi halqali chuvalchanglar vakili.

Tibbiyot zulugi. Zuluk qoʻymoq.

Zuluk kichkina jonivor boʻlib, qonni soʻrish uchun xizmat qiladi. — N. Ismoilov, Kasallarni parvarish qilish

Suvdan chiqqan zulukday, Qosh-u koʻzi pilikday Kelin poshshaga salom. — Oq olma, qizil olma

2. koʻchma Birovlar hisobiga yashovchi, ochkoʻz, tekinxoʻr, shafqatsiz odam.

Xon — jallod, qozikalon — oʻrgimchak, yasovulboshilar esa zuluk edi. — J. Sharipov, Xorazm

3. koʻchma Zuluk kabi qop-qora.

Onasi uning [Saltanatning] zuluk qoshlariga, toʻlishgan dudoqlariga, yuzlariga mamnun tikilib oʻtirdi. — S. Nurov, Narvon

ot s.t. ayn. Tilcha 2.

ot Kishilar bilan muomalada, jamiyatda oʻzini tutish tarzi; xulq-atvor, qiliq.

Sulukati sovuq odam.

fl. shv. ayn. Uzilmoq 4.

[Gavhar:] Sal darmonga kirsangiz, yaxshi boʻlardi. Uzlukib qolmasmikansiz? — S. Zunnunova, Gulxan

Ikki martaba odam yuborganimda, [Abdumajidning xotini] unamabdi, hali darmonga kirgani yoʻq, uzlukadi, debdi. — A. Qahhor, Asror bobo

sft. 1. Birin-ketin, ketma-ket, paydar-pay.

Mashinalar uzluksiz oʻtib turibdi.

Beton qorishmasi uzluksiz kelib turadi. — Oʻzbekiston qoʻriqlari

Granatalar uzluksiz uchdi. — Oybek, Quyosh qoraymas

2. Toʻxtamasdan, tinimsiz, izchil ravishda.

Ikki sutka uzluksiz yomgʻir yogʻdi.

Yoʻl boʻylab ketgan simyogʻochlar esa uzluksiz guvullaydi. — P. Tursun, Oʻqituvchi

Qishloq xoʻjaligi ishlab chiqarishi uzluksiz yuksalish yoʻlidan bormoqda. — Gazetadan

sft. Kishilar bilan muomalada, jamiyatda oʻzini yaxshi tuta biladigan, qiligʻi yoqimli.

Sulukatli odam.