Hayot Foundation loyihasi
Loyiha haqida
Oʻz
Oʻz

Qidiruv

«lolga» boʻyicha 13 ta natija: Izohli

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik

Lugʻat maqolalari

9 ta
lol

Izza boʻlib, xijolatda qolib, qattiq hayajon va hayratdan yoki magʻlubiyatdan gapirolmay qolgan, tili tutilgan, mulzam; soqov.

Sar-basar hasratlaring sharh etkali loldur tilim. — Xislat

Zaynab tamom, tamom lol edi. Soʻz qotishga u behol edi. — H. Olimjon

Bir goʻzalkim, husnidan el lol emish, hayron emish. — E. Vohidov, Muhabbat

  • Lol boʻlmoq (yoki qolmoq) 1. Tili tutilib, gapirolmay qolmoq. Tili lol boʻldi-yu, qoldi soʻzidan. — M. AlaviyaLol boʻlib qolgan Masharip akaning lablari oppoq oqarib, saratonda titray boshladi. — Mirmuhsin, Kizil durralar;Bu asar shu qadar sodda, oʻngʻay, tushunarliki, muallifning mushohadasi va isteʼdodi oldida lol qolasan kishi. — R. Rahmon, Xalq professori
  • Lol qilmoq (yoki etmoq, aylamoq) Gapirolmaydigan qilib qoʻymoq; hayron qoldirmoq, aql-hushni olib qoʻymoq. Bunyod uygʻondi darhol, Uni lol etdi bu hol. — H. Olimjon.
Toʻliq maqola →
lola

ot 1. bot. Loladoshlar oilasiga mansub, yirik, chiroyli gulli koʻp yillik oʻsimlik; manzarali ekma gul va uning qizil, sariq yoki targʻil guli.

Lola sayli.

Togʻda ochilib lola, yer sabza bahor oʻlsa. — Furqat

Gullar orasida lolalar qaddi-qomatini koʻz-koʻz qilib tebranadi. — Oʻzbekiston qoʻriqlari

Lola terdik dasta-dasta, kech bilan qaytdik shahar-Yoʻlda bir-bir tarqatib Erkin muhabbat xayliga. — E. Vohidov, Muhabbat

2. koʻchma poet. Lola rangli, qizil, qirmizi.

Ochilmoq istarkan lola dudoqlar, Javdirab koʻzlaring nechun oʻynoqlar. — Uygʻun

Lola yangligʻ orazingni men koʻrib tasvirda, Mubtalo boʻlmoqligʻim yozmish ekan taqdirda. — Hamza

3. Lola (xotin-qizlar ismi).

  • Lola sayli Oʻzbek xalqining qadimgi udumlaridan biri: qir va adirlarda lola ochilgan chogʻda oʻtkaziladigan sayil, sayohat. Taklif etdim tong bilan dildorni lola sayliga, Boshim osmonlarga yetdi, yor deganda mayliga. — E. Vohidov, Muhabbat
Toʻliq maqola →
loʻli

ot 1. Asli vatani Hindiston boʻlib, turli davrlarda u yerdan tarqalib, dunyoning koʻp joylarida toʻdalashib, koʻchmanchi va yarim koʻchmanchi hayot kechiruvchi, baʼzi joylarda turgʻun yashaydigan boʻlib qolgan xalqning nomi.

2. koʻchma s.t. Urishqoq, janjalkash, shallaqi (koʻpincha ayollarga nisbatan ishlatiladi).

  • Loʻlining eshagini sugʻor, pulini ol Pul, foyda chiqadigan ishni qilaver, mazmunidagi ibora. Birinchidan, pulning qadrini bil, loʻlining eshagini sugʻor, pulini ol. — Oybek, Tanlangan asarlar
Toʻliq maqola →
lolazor

ot Lolasi koʻp, lola ochilib yotgan joy.

Ey tan, bas ayla gʻamni, qish oʻtsa, bahor oʻlur, Sahro yuzi binafsha bilan lolazor oʻlur. — Oraziy.

Ufqdagi shafaq mana shu lolazorning osmon koʻzgusidagi aksimi yo yer koʻzgusidagi bu qirmizi rang botayotgan quyosh shafagʻining aksimi? — K. Yashin, Hamza

Toʻliq maqola →

Hammasini koʻrish · 9 →

Ertaklar

3 ta
Doro va Iskandarbek
Xalq ogʻzaki ijodi

Doro podsho tuhmat tufayli homilador xotinini haydab yuboradi. Ayol oʻgʻil tugʻib, uni Iskandarbek deb ataydi va taqdirga tashlab ketadi. Iskandarbek turli qiyi

Jonon piyola
Xalq ogʻzaki ijodi

Qoʻqon podshosining qimmatbaho piyolasi sinib qoladi va uni tuzatishga hech kim qodir boʻlmaydi. Faqatgina bir kal shogird oʻzining aql-zakovati bilan bu muammo

Qargʻa bilan kunjut
Xalq ogʻzaki ijodi

Ushbu ertakda och qolgan qargʻaning kunjut yeyish uchun turli toʻsiqlarni yengib oʻtishi tasvirlangan. Qargʻa oʻz maqsadiga erishish yoʻlida koʻplab jonivorlar

Sheva materiallari

1 ta
shirinkänä
Qoraqalpogʻiston Respublikasi · dallol puli

dallolga beriladigan pul