Qidiruv

ot Obyekt oʻrnini, joyini u chiqarayotgan, aks ettirayotgan signal, belgi (odatda tovush yoki elektromagnit toʻlqinlar)ga qarab aniqlash.

ot Hayvonlarning koʻrish, eshitish, hid bilish va boshqalar sezgi aʼzolari yordamida biror obyekt oʻziga nisbatan qanday holatda turganligini, joylashganini aniq bila olish qobiliyati.

ot 1. harb. Harbiy qismlarning mamlakat boʻylab belgilangan joylarga oʻrnashtirilishi, harbiy-havo kuchlarining tegishli aerodromlarga, harbiy-dengiz floti kemalarining portlarga taqsimlab joylashtirilishi.

Pogodin., mashinadan tushishi bilanoq, yangi dislokatsiya haqida diviziyalarga xabar yubordi. — I. Rahim

Shu kecha dushman polki dislokatsiya qilinayotgani haqida radiogramma qoʻlga tushirildi. — A. Muxtor, Davr mening taqdirimda

2. geol. Yer qobigʻidagi turli oʻzgaruvchan jarayonlar natijasida togʻ jinslari dastlabki joylanishining buzilishi, oʻzgarishi.

3. tib. Sinish yoki chiqish paytida suyakning joyidan siljishi.

ot 1. Uzoqdagi obyektlarning, masalan, samolyot, kema va shu kabilarning qayerdaligini ulardan qaytgan radiotoʻlqinlar yordami bilan topish, aniqlash, farqlab ajratib olish usuli va vositalari.

Isroil oʻzining harbiy samolyotlari Suriyaning radiolokatsiya stansiyasini bombardimon qilganligini rasman tan oldi. — Gazetadan

2. Fan va texnikaning quruqlik, suv va fazodagi obyektlarni radiotexnik usul vositasida topish va turgan joyini aniqlash bilan shugʻullanuvchi sohasi.