Поиск

Lazer nuri yordamida oʻqiladigan disk shaklidagi maʼlumotlar tashuvchi. Ikkilik sanoq tizimida berilgan maʼlumotlar metall yoki polimer lazer disk ustiga kuchli lazer nuri yordamida mayda chuqurliklarga (pit) va ular orasidagi oʻrtaliklarga (lands) yoziladi. Biroq, chuqurliklar va oʻrtaliklar ikkilik kodining bir va nollariga mos boʻlmaydi. Yozish disk markazidan chetlariga oʻtkazilgan spiralsimon yoʻlkalar boʻylab amalga oshiriladi. Bitta diskda matn, tovush, tasvir kabi shakllarda axborotlarni yozish uchun moʻljallangan turli formatlardagi yoʻlkalar (treklar) mavjud boʻlishi mumkin. Shaxsiy kompyuterlarda taxminan 650 MB hajmidagi maʼlumotlarni saqlash imkonini beradigan kompakt-disklar (CD) qoʻllaniladi. Ushbu hajm standart bilan tasdiqlangan boʻlsa-da, yoʻlka yoki pitlarning qalinroq joylashishida diskda koʻproq hajmdagi maʼlumotlar saqlanishi mumkin.английскийlaser diskрусскийлазерный диск