от 1. Чит буюмларнинг парчаси; ишлатилган, эски-туски матолар.
Катта-кичик хитой вазаларни латта билан яхшилаб артди. — Ойбек, Танланган асарлар
Икки қадам борди-ю, латтага ўралган бир нимани Самандарнинг қўлига берди. — А. Қаҳҳор, Қўшчинор чироқлари
2. с. т. Умуман, ип газлама, ундан тикилган нарсалар.
Янги ёр топганда, дўстлар, эскидан кечмоқ керак, Эскини ўлган санаб, латта кафан бичмоқ керак. — А. Қодирий, Ўтган кунлар
Нима қиласан латтани? Ёʻқот! — Келинингиз хурсанд бўлсин, деган эдим-да! — А. Қаҳҳор, Оғриқ тишлар
3. шв. Ипак мато.
Хитойи латта. Латта рўмол.
[Кумушнинг] Паранжиси қўли-да, қора атлас кўйлак эгнида, зангор латта мурсак устида эди. — А. Қодирий, Ўтган кунлар
4. кўчма Дағл. Ўтакетган бўш, ношуд; шалвираган.
Эркакнинг зуғми бўлмаса, хотинлар уни латта дейди. — С. Юнусов, Осон ишнинг оҳи бор
Алимардонни учратганидан кейин
билди: Анвар бўшанг экан, латта экан. — Ў. Ҳошимов, Қалбингга қулоқ сол
- Латта жинниси Газлама, мато ва улардан тикилган нарсаларга ўч шахсга (асосан, аёлларга) нисбатан қўлланадиган ибора. — Латта жинниси! — деб бақирди Бўтабой, бутун аламини хотинидан олиб, — латтанинг учини кўрсаца, ўзингни томдан ташлайсан. — А. Қаҳҳор, Қўшчинор чироқлари.
- Латта ҳиди келади Бирор ёқимсиз гап-сўз, хатти-ҳаракат кабиларга нисбатан қўлланувчи ибора.Гапларингдан латта ҳиди келади.Бу қилиғингиздан латта ҳиди келади-ку. Уйғун, Навбаҳор.