Қидирув

от 1. 1 Йиқилиш ёки бошқа таъсирлардан шикастланмоқ (эти узилмоқ, кўкармоқ, шишмоқ ва шу кабилар).

Оғир юк кўтариб, белим лат еди.

Шербек лат еган чап қўлига тегишга ўзи ҳам безиллар эди. — С. Анорбоев, Оқсой

2. Зарарланмоқ, шикастланмоқ (синмоқ, учмоқ, пачақ бўлмоқ ва шу кабилар).

Бўронда лат еган томлар, тахта деворлар ремонт қилинди. — Ш. Рашидов, Бўрондан кучли

[Ҳайдарбой] Жўмраги ёки қорнидан лат еб чегалатилган кўримсиз чойнакларга чой дамлайди. — П. Турсун, Ўқитувчи

3. Латвия Республикасининг асосий пул бирлиги (1993 йилдан).

сфт. 1. Гўзал, чиройли ва нозик.

Латиф лаб.

[Қиз] Оқ қўллари билан латиф бурнининг ўнг томонида, табиатнинг ниҳоятда уста қўли билан қўндирилган қора холини қашиди. — А. Қодирий, Ўтган кунлар

2. Ёқимли, майин, нозик.

Гулнинг латиф ҳиди. Латиф тонг ели.

Отабек табиатнинг шу кўркам ва латиф кўринишига мафтун бўлиб, узоқ тин олиб қўйди. — А. Қодирий, Ўтган кунлар

3. Жозибали ва ёқимли.

Муниснинг латиф ва жозибали шеърлари халқ орасида кенг ёйилган. — Газетадан

4. Латиф (эркаклар исми).

от 1. Чит буюмларнинг парчаси; ишлатилган, эски-туски матолар.

Катта-кичик хитой вазаларни латта билан яхшилаб артди. — Ойбек, Танланган асарлар

Икки қадам борди-ю, латтага ўралган бир нимани Самандарнинг қўлига берди. — А. Қаҳҳор, Қўшчинор чироқлари

2. с. т. Умуман, ип газлама, ундан тикилган нарсалар.

Янги ёр топганда, дўстлар, эскидан кечмоқ керак, Эскини ўлган санаб, латта кафан бичмоқ керак. — А. Қодирий, Ўтган кунлар

Нима қиласан латтани? Ёʻқот! — Келинингиз хурсанд бўлсин, деган эдим-да! — А. Қаҳҳор, Оғриқ тишлар

3. шв. Ипак мато.

Хитойи латта. Латта рўмол.

[Кумушнинг] Паранжиси қўли-да, қора атлас кўйлак эгнида, зангор латта мурсак устида эди. — А. Қодирий, Ўтган кунлар

4. кўчма Дағл. Ўтакетган бўш, ношуд; шалвираган.

Эркакнинг зуғми бўлмаса, хотинлар уни латта дейди. — С. Юнусов, Осон ишнинг оҳи бор

Алимардонни учратганидан кейин

билди: Анвар бўшанг экан, латта экан. — Ў. Ҳошимов, Қалбингга қулоқ сол

Иссиқ сут, эспрессо ва кўпикли сут қатламларидан ташкил топган иссиқ қаҳва ичимлиги.

Кўпчилигимиз уйда қўлбола қилиб тайёрланган, кофеларни ичамиз. Лекин латте кофесини ҳам бир татиб кўрсак ёмон бўлмас.

от Сувсарлар оиласига мансуб, танаси ингичка чўзиқ ва ўта серҳаракат йиртқич сутемизувчи ҳайвон.

от 1. Кулгили воқеа-ҳодиса ҳақидаги кичик ҳикоя.

Бир оз чарчагандан сўнг ўтириб, турли латифалар қизиқ-қизиқ ҳикояларни эсладик. — О. Ёқубов, Янги йил кечасида

Тошкентлик машҳур бойнинг хасислиги ҳақида ҳали ҳеч кимнинг қулоғига чалинмаган латифалар суҳбатга ранг бериб турар эди. — Ойбек, Танланган асарлар

2. Латифа (хотин-қизлар исми).