ot Suvsarlar oilasiga mansub, tanasi ingichka choʻziq va oʻta serharakat yirtqich sutemizuvchi hayvon.
Qidiruv
«latcha» boʻyicha 20 ta natija: Izohli
Filtr
Lugʻat turi
Lugʻat maqolalari
20 taot 1. 1 Yiqilish yoki boshqa taʼsirlardan shikastlanmoq (eti uzilmoq, koʻkarmoq, shishmoq va shu kabilar).
Ogʻir yuk koʻtarib, belim lat yedi.
Sherbek lat yegan chap qoʻliga tegishga oʻzi ham bezillar edi. — S. Anorboyev, Oqsoy
2. Zararlanmoq, shikastlanmoq (sinmoq, uchmoq, pachaq boʻlmoq va shu kabilar).
Boʻronda lat yegan tomlar, taxta devorlar remont qilindi. — Sh. Rashidov, Boʻrondan kuchli
[Haydarboy] Joʻmragi yoki qornidan lat yeb chegalatilgan koʻrimsiz choynaklarga choy damlaydi. — P. Tursun, Oʻqituvchi
3. Latviya Respublikasining asosiy pul birligi (1993 yildan).
sft. 1. Goʻzal, chiroyli va nozik.
Latif lab.
[Qiz] Oq qoʻllari bilan latif burnining oʻng tomonida, tabiatning nihoyatda usta qoʻli bilan qoʻndirilgan qora xolini qashidi. — A. Qodiriy, Oʻtgan kunlar
2. Yoqimli, mayin, nozik.
Gulning latif hidi. Latif tong yeli.
Otabek tabiatning shu koʻrkam va latif koʻrinishiga maftun boʻlib, uzoq tin olib qoʻydi. — A. Qodiriy, Oʻtgan kunlar
3. Jozibali va yoqimli.
Munisning latif va jozibali sheʼrlari xalq orasida keng yoyilgan. — Gazetadan
4. Latif (erkaklar ismi).
ot 1. Chit buyumlarning parchasi; ishlatilgan, eski-tuski matolar.
Katta-kichik xitoy vazalarni latta bilan yaxshilab artdi. — Oybek, Tanlangan asarlar
Ikki qadam bordi-yu, lattaga oʻralgan bir nimani Samandarning qoʻliga berdi. — A. Qahhor, Qoʻshchinor chiroqlari
2. s. t. Umuman, ip gazlama, undan tikilgan narsalar.
Yangi yor topganda, doʻstlar, eskidan kechmoq kerak, Eskini oʻlgan sanab, latta kafan bichmoq kerak. — A. Qodiriy, Oʻtgan kunlar
Nima qilasan lattani? Yoʻqot! — Keliningiz xursand boʻlsin, degan edim-da! — A. Qahhor, Ogʻriq tishlar
3. shv. Ipak mato.
Xitoyi latta. Latta roʻmol.
[Kumushning] Paranjisi qoʻli-da, qora atlas koʻylak egnida, zangor latta mursak ustida edi. — A. Qodiriy, Oʻtgan kunlar
4. koʻchma Dagʻl. Oʻtaketgan boʻsh, noshud; shalviragan.
Erkakning zugʻmi boʻlmasa, xotinlar uni latta deydi. — S. Yunusov, Oson ishning ohi bor
Alimardonni uchratganidan keyin
bildi: Anvar boʻshang ekan, latta ekan. — Oʻ. Hoshimov, Qalbingga quloq sol
- Latta jinnisi Gazlama, mato va ulardan tikilgan narsalarga oʻch shaxsga (asosan, ayollarga) nisbatan qoʻllanadigan ibora. — Latta jinnisi! — deb baqirdi Boʻtaboy, butun alamini xotinidan olib, — lattaning uchini koʻrsatsa, oʻzingni tomdan tashlaysan. — A. Qahhor, Qoʻshchinor chiroqlari.
- Latta hidi keladi Biror yoqimsiz gap-soʻz, xatti-harakat kabilarga nisbatan qoʻllanuvchi ibora.Gaplaringdan latta hidi keladi.Bu qiligʻingizdan latta hidi keladi-ku. Uygʻun, Navbahor.
Issiq sut, espresso va koʻpikli sut qatlamlaridan tashkil topgan issiq qahva ichimligi.
Koʻpchiligimiz uyda qoʻlbola qilib tayyorlangan, kofelarni ichamiz. Lekin latte kofesini ham bir tatib koʻrsak yomon boʻlmas.
ot 1. Kulgili voqea-hodisa haqidagi kichik hikoya.
Bir oz charchagandan soʻng oʻtirib, turli latifalar qiziq-qiziq hikoyalarni esladik. — O. Yoqubov, Yangi yil kechasida
Toshkentlik mashhur boyning xasisligi haqida hali hech kimning qulogʻiga chalinmagan latifalar suhbatga rang berib turar edi. — Oybek, Tanlangan asarlar
2. Latifa (xotin-qizlar ismi).
- Afandi latifalari Afsonaviy xalq qahramoni Xoʻja Nasriddin afandining sarguzashtlari bilan bogʻlab, xalq tomonidan yaratilgan qisqa-qisqa kulgili lavhalar, hikoyalar. Nasriddin afandi latifalaridan gʻoyat qiziqlarini ketma-ket aytadi. — Oybek, Tanlangan asarlar