Поиск

fl. 1. Ortiq darajada tashvishlanmoq, kuyinmoq.

Otam boʻlsa tushunolmay: — Ha, nima gap oʻzi, nima boʻldi? — deb kuyib-pishadi bechora. — P. Tursun, Oʻqituvchi

Ignani yoʻqotib qoʻygan kuni kuyib-pishgan Toshmatov direktor kabinetiga xomush kirib keldi. — Mushtum

Chokar hazilga oʻch yigit edi. Hayotdagi koʻp nohaqliklarni koʻrsa-da, kuyib-pishavermas — S. Siyoyev, Avaz

2. Jon-jahdi bilan harakat qilmoq, ishlamoq.

Men shuncha yildan beri kuyib-pishsam ham, hech qaysing Otangga rahmat! deging kelmaydi. — P. Tursun, Oʻqituvchi

Bilasizmi, birov sizga katta ishni ishonib topshirganidan keyin, kuyib-pishmasang boʻlmas ekan. — A. Muxtor, Opa-singillar

1. Astoydil kuyinib.

Abdurahmonboy kuyib-pishib javrayotgan domlaga achingan boʻldi va unga tasalli berdi. — H. Gʻulom, Mashʼal

U studentlarni joylashtirguncha ancha qiynalgan boʻlsa kerak, chehrasi horgʻin, ust-boshi chang, kuyib-pishib, qattiq gapirardi. — Oʻ. Hoshimov, Qalbingga quloq sol

2. Jon-jahdi bilan berilib.

Kun boʻyi kuyib-pishib ishlaganidan tunlari dong qotib uxlaydi. — T. Ashurov, Oq ot

Allaqayerda kuyib-pishib bedana sayraydi. — Shuhrat, Jannat qidirganlar

Bu soddadil cholning kuyib-pishib otini maqtashidan atrofdagilar ham zavqlanib kulishdi. — Mirmuhsin, Meʼmor

fl. Kuyib-pishmoq feʼlining birgalik nisbati.