Qidiruv

fl. Kurashmoq feʼlining majhul nisbati.

fl. 1. Bir-birini yiqitish, gʻolib chiqish uchun maʼlum qoida boʻyicha olishmoq, oʻzaro bellashmoq, kurash(ga) tushmoq.

Ular bir-birlarining belbogʻlaridan mahkam ushlab, uzoq kurashdilar.

Kurashmay, quvvatim qaydan bilasan, Ogʻzing bilan shuncha polvon boʻlasan. — Tohir va Zuhra

2. Sportning biror turi boʻyicha bellashmoq, musobaqalashmoq.

Futbol komandalari oʻzaro astoydil kurashmoqda. Ertaga eng zoʻr shaxmatchilar kurashadilar.

Suron zoʻraydi, [tortishuvchilar] yana turib, hansirab, tortishuvni davom ettiradilar. Kuch sinashda har ikki tomon astoydil kurashdi. — Oybek, Tanlangan asarlar

3. Biror narsaga erishish, biror maqsadni roʻyobga chiqarish uchun harakat qilmoq, faoliyat koʻrsatmoq.

Ochilgan qoʻriqlar yana ham koʻrkam va muhtasham boʻlishi uchun kurashaylik. — Oʻzbekiston qoʻriqlari

Fabrikamizda ilgʻorlar juda koʻp, ular ham mahsulot koʻlami uchun, ham sifati uchun kurashadilar. — Gazetadan

4. Biror kimsa yoki narsaga faol qarshilik koʻrsatmoq, uni yengish yoki yoʻq qilish uchun chora koʻrmoq, harakat qilmoq, tirishmoq, olishmoq.

Jabr-zulmga qarshi, huquqsizlikka qarshi kurashmoq kerak. — Oybek, Hur qidirib

Boʻron vaqtida ham, boʻron toʻxtaganda ham bitmas-tuganmas gʻayrat va jasorat namunalarini koʻrsatib, tabiat ofatiga qarshi kurashdilar. — Sh. Rashidov, Boʻrondan kuchli

Jinoyatlarga qarshi kurashish va ularni keltirib chiqaruvchi sabablarni tugatish eng dolzarb masalalardan hisoblanadi. — Gazetadan

5. Jang qilmoq.

Toʻpchilarimiz sarosimaga tushmay, oʻz pozitsiyalarida mahkam turib, qahramonlarcha kurashdilar. — Gazetadan

ot 1. Kuchi va epchilligini namoyish qilish maqsadida kurash bilan shugʻullanadigan, kurash tushadigan shaxs, sportchi.

Ikkovi, goʻyo usta kurashchilarday, bellarini egib, boʻyinlarini bir-birining yelkasiga qoʻyganlari holda, ayiqday tebranishib, davrani aylandilar. — P. Tursun, Oʻqituvchi

2. Oʻz maqsadi, gʻoyasi yoʻlida faol harakat qiladigan, bunga monelik qiluvchi gʻovlarni yengish uchun olishuvga, hatto dushmanga qarshi jang qilishga ham tayyor boʻlgan shaxs.

Ahmad Sobirni isyonkor, hayotdagi bir xillikka, rangpar va turgʻun muvozanatga qarshi kurashchi sifatida tasavvur qilgandi. — F. Musajonov, Himmat

Hamyoni zoʻrlarning hokimiyatini parchalashga bel bogʻlagan kurashchilarga tabiiy bir ichki intilish bilan yaqinlashdi. — Oybek, Tanlangan asarlar

sft. 1. Kurashga qobiliyatli, kurash olib borishga qobiliyati zoʻr.

2. Murosasiz kurash olib boruvchi.

Insonning baxt-saodati yoʻlida hormas-tolmas kurashchan boʻl. — P. Tursun, Oʻqituvchi

fl. Kurashmoq feʼlining orttirma nisbati.