Поиск

ot Qalʼa devorlari yoki imorat aylanasiga tishga oʻxshatib ishlangan meʼmoriy bezak; dandana.

Faqat shahar atrofini oʻrab olgan paxsa devorlar ustida soqchilargina u yoqdan-bu yoqqa yurib turar, devor kungurasi orqali qarab, shaharni tashqi hujumdan qoʻriqlar edi. — Oydin, Gulsanam

Bu ochiq mozoristonni qoʻrgʻon kunguralari ustida Toshkent mudofaalari ming turli shodliklar ichida tomosha qilardilar. — A. Qodiriy, Oʻtgan kunlar

Meʼmor boʻlsa, madrasaning goh u yogʻiga, goh bu yogʻiga oʻtib, peshtoq-u gulchambarlarga, ravoq-u kunguralarga tikilardi. — Mirmuhsin, Meʼmor

sft. ayn. Kungurador.

Qurilishda sirlangan sopol taxtachalar, ganchga oʻyilgan kungurali bezaklar ishlatiladi. — Guliston

Otaboyning peshonasidagi chandigʻi oʻsha 1918 yilning bahor kunlari Tuproqqoʻrgʻonning kungurali devori ostida paydo boʻldi. — I. Rahim, Tinimsiz shahar

sft. Kungurasi bor, kungurali.

Oʻrdaning gʻishtin, kungurador qoʻrgʻonlari osti bilan maxsus muhofiz yigitlar aylanib, begona kishini qoʻrgʻon yaqiniga yoʻlatmas edi. — A. Qodiriy, Mehrobdan chayon

Baland kungurador devorlar bilan oʻralib, yuksak burjlariga toʻp oʻrnatilgan oʻrdaday hovlining har joy-har joyida tosh fonuslar miltirab turadi. — O. Yoqubov, Ulugʻbek xazinasi