Қидирув

от 1. Ҳамма томони тенг квадратдан иборат олти ёқди геометрик шакл; шундай шаклдаги нарса.

2. мат. Бирор соннинг ёки алгебраик ифоданинг учинчи даражаси, ўз-ўзига уч марта кўпайтмаси.

3 сонининг куби 27 бўлади.

3. с. т. Бир куб метрга тенг ҳажм ўлчови бирлиги; кубометр.

Икки куб тахта,

Сўнгги 20 йил мобайнида Орол денгизи сатҳи 8 марта пасайиб, сув ҳажми 393 куб километрга камайди. — Фан ва турмуш

4. Суюқликларни ҳайдаш, қайнатиш ёки сақлаш учун ишлатиладиган силиндр шаклидаги катта ёпиқ идиш.

от 1. Куб сўзининг кичрайтирилган шакли.

2. Ҳар бир ёғида расм бўлаклари, ҳарф ва шу кабилар тасвири бўлган, маълум тартибда терилганда, бир бутун тасвир, сўз ва шу кабилар ҳосил бўладиган, куб шаклидаги ёғочлардан иборат болалар ўйини.

3. с. т. Бир куб сантиметрга тенг ҳажм ўлчови бирлиги.

Уч кубик глюкоза.

от Ғарбий Европа тасвирий санъатида 20-аср бошларида юзага келган, нарсаларни содда геометрик шакллар (шар, конус, куб кабилар) комбинацияси тарзида тасвирлашдан иборат модернистик оқим.

от Спорт мусобақаларида: ғолиблар учун соврин сифатида бериладиган (одатда, қимматбаҳо нарсадан тайёрланадиган) ваза, идиш ва шу кабилар

У [Бўри] ўз даврида турли мусобақаларда қатнашиб, кубоклар олган. — Т. Мурод, Юлдузлар мангу ёнади

Улар [физкултурачилар] мамлакатимиздаги ва чет эллардаги стадионларда қўлга киритилган кубоклар ва эсдалик совринларини кўтариб олганлар. — Газетадан

от Куба ҳудудида яшовчи шахс.

от Тепаси ясси, қулоқчинсиз, одатда қоракўлдан қилинадиган пастак телпак.

Ўтаётган колонналар, солдатлар, командирлар кулранг шинел, кубанка кийиб олган қизил юзли, қора кўзли, ўрта бўйли қиздан кўз узолмас эдилар. — И. Раҳим, Чин муҳаббат