Қидирув

от 1. тар. Рўйхат тузиш, қўлёзмаларни кўчириш билан шуғулланган шахс; мирза.

Навоийнинг котибларга ҳомийлиги асосан 1469 йилдан, яъни у давлат арбоби вазифасига кўтарилиб, котибларга ҳомийлик қилиш учун моддий имкониятга эга бўлиши биланоқ бошланган. — ЎТА

2. Идора ва муассасаларда, лавозимли кишилар, ёзувчилар ва шу кабилар шахслар ҳузурида ёзув-чизув ишлари ва ёзишмаларни олиб борувчи ходим, шахс.

Котиб ўтирадиган стол тепасидаги “Папирос чекма!“ деган ёзув остига кимдир пистакўмир билан Ноевой чекавер! деб ёзиб қўйибди. — С. Аҳмад, Ҳукм

Бу хатларни у шахсан ўзи ва котиби ёрдамида ўрганиб, аксариятига эринмай жавоблар ёзган. — Газетадан

3. Идора, муассаса ва шу кабилар котибиятига раҳбарлик қилувчи, котибият ишларига масъул ходим.

Фанлар академиясининг бош илмий котиби. Институтнинг илмий котиби.

4. Махсус кенгаш, йиғинларнинг баён-нома ва шу кабилар ёзув-чизув ишларини олиб борувчи шахс.

Диссертация ҳимоялари бўйича илмий кенгаш котиби. Мажлис котиби.

от Котиб аёл.

Назар қабулхонага чиқиб, котибага Алиматни топишни буюрди. — Э. Усмонов, Ёлқин

Котиба раис кириши билан дик этиб ўрнидан турди. — А. Кўчимов, Ҳалқа

от Котиб иши, вазифаси.

Қорабек аввалларда баъзи амлокдорлар ва ҳокимларга мирзалик — котиблик қилиб юрарди. — С. Айний, Эсдаликлар

Албатта, сув келтириш котиблик ишларига кўмилиб ўтиришдан кўра енгил ва ёқимли эди. — Ш. Рашидов, Бўрондан кучли

от 1. Муассаса ва ташкилотларда, анжуман ва шу кабилар катта йиғинларда жорий ишларга раҳбарлик қилувчи ёки ташкилий-техник вазифаларни бажарувчи, сайлаб қўйилган орган ёки маъмурий бўлим.

Вазирлар Маҳкамаси котибияти.

2. Шундай орган, бўлимларда ишлайдиган ходимлар.