Қидирув

от 1. Чиннига ўхшатиб ишланган, ялтироқ, нақшли ғишт плиткаси.

Деҳлида масжид ва мезаналар керагидан ортиқча. Ҳалларини, кошинларини, нақшларини қаердадир кўргандаймиз. — З. Акрамов, Ҳиндистон лавҳалари

2. Бир-бирига зич қилиб ёпиштирилган ранг-баранг шиша, мармар, тош, ёғоч ва шу кабилардан ясалган сурат ёки нақш.

У мадрасалар ички-ташқи кенг саҳнга, баланд ва мустаҳкам деворга, ҳашаматли тоқ-равоқ ва гулдасталарга эга бўлиб, баъзиларининг пештоқлари, гумбазлари ва деворлари ранг-баранг кошинлар билан безатилган бўлар эди. — С. Айний, Эсдаликлар

от 1. Кошин ишловчи, биноларни кошин билан безатувчи уста.

Машҳур кошинкор.

у [Абдулла Болтаев] машҳур наққош, кошинкор, этнограф сифатида танилди. — Газетадан

2. Кошин ишланган, кошин билан безатилган.

Шу икки уйнинг орасига ўтирган (ўрнашган) кошинкор ва нақшин чорхари айвон бу ҳовлининг биринчи мартаба кўзга чалинадиган ортиқликларидандир. — А. Қодирий, Ўтган кунлар

от Кошин пиширувчи, кошин тайёрловчи.

Аммо, сиз болаларим, ишнинг охирини ўз елкангизга олинг. Бундан бу ёғи — сирчиларга, кошинпазларга ёрдам қилиш, кўпи кетиб ози қолган. — Мирмуҳсин, Меъмор