Поиск

ot 1. arxit. Imoratning tomi, peshtoqi, ichki qismlari va shu kabilarni koʻtarib turishga xizmat qiladigan, asosi aylana yoki toʻgʻri toʻrtburchak shaklida boʻladigan tayanch, ustun.

U [qorovul] qaytib kelganda, novcha kishi imoratga uzoqdan koʻzini goh qisib, goh katta ochib qarar, pakana yigit uning kolonna va devorlariga chertib, deraza va eshiklarining boʻyogʻini tirnab, hidlab koʻrar edi. — A. Qahhor, Asarlar

Derazalari keng va eshik oldi oppoq chiroyli kolonnalar bilan bezalgan klub binosi. — Oybek, Oltin vodiydan shabadalar

2. Harbiy xizmatchilar yoki harbiy boʻlinmalarning birin-ketin tizilgan safi; ketma-ket tizilib boruvchi odamlar, mashinalar va shu kabilar guruhi, safi.

Trevoga eʼlon qilinishi bilan soldatlar daraxt panalariga, oʻydim-chuqur joylarga oʻzlarini oldilar, butun kolonna yerga yotdi. — I. Rahim, Chin muhabbat

Kolonna darvozaga burilib, hovliga kirdi va oldindagi kapitanning komandasi bilan toʻxtadi. — H. Gʻulom, Toshkentliklar

Shu choq tanklar kolonnasi yetib keldi-da, yoʻlda turib olib, tepalikka toʻp ota boshladi. — I. Rahim, Chin muhabbat

bir-birining bevosita ortidan bir va aynan oʻsha qatnov qismi boʻylab doimiy yoqilgan chiroqlari bilan yuzasiga maxsus rangli sxema tushirilgan hamda koʻk va qizil rangdagi yiltirab turgan yoniq chiroqlariga ega bosh transport vositasi hamrohligida borayotgan uch va undan ortiq mexanik transport vositalari guruhi. Taʼrifdan koʻrinib turganidek, U.t.k. ning farqlovchi belgisi bevosita bir-birining ortidan chiroqlari yoqilgan holda borayotgan kamida uchta mexanik transport vositasining va kollonnaga hamrohlik qilayotgan transport vositasining mavjudligi hisoblanadi. Demak, belgilardan birortasi mavjud boʻlmaganda transport vositalarining ushbu guruhi U.t.k. hisoblanmaydi.

ot 1. Avtomobillar kolonnasi, ketma-ket tizilib kelayotgan avtomobillar qatori.

2. Avtomobil bazalarining filiali, bir necha avtomobili boʻlgan boʻlimi.