Qidiruv

ot 1. Zax qochirish (drenaj) tarmogʻining suv yigʻuvchi qismidan kelayotgan (sizot) suvni toʻplab, suvi qochirilayotgan maydondan boshqa tomonga oqizib, chiqazib yuborish uchun xizmat qiladigan drenaj quvuri yoki ochiq kanal; sizot suvlarni tortadigan katta zovur.

Mavjud kollektor-zovur tarmoqlarini loydan va begona oʻtlardan tozalab turish ham katta ahamiyatga ega. — Fan va turmush

Mashinamiz kollektor yoqalab choʻl ichkarisiga kirib boradi. — Oʻzbekiston qoʻriqlari

2. maxs. Kanalizatsiya tarmogʻining kanalizatsiya hovuzlaridan oqova suvlarni yigʻadigan qismi (beton, temir-beton yoki keramik bloklardan qilinadigan quvur, hovuz kabilar).

3. maxs. Aloqa kabellari hamda suv, gaz oʻtkazuvchi va boshqalar quvurlar yotqiziladigan yer osti yoʻlaklari.

4. tex. Ayrim texnik qurilmalarning nomi, masalan, ichki yonuv dvigatelining chiqarish va kiritish kollektori.

5. tex. fiz. Elektr toki chastotasini mexanik tarzda oʻzgartiruvchi moslama; konstruktiv jihatdan elektr mashina rotori (yakori) bilan birlashtirilgan boʻladi.

6. Biror narsa namunalarini toʻplash, roʻyxatga kiritish, saqlash va tarqatish bilan shugʻullanuvchi muassasa yoki shaxs.

Kutubxona kollektori.

suvga botirilgan jinsning, oddiy sharoitda, yaʼni 0,1 MPa bosimda va 20°S da suv shimish qobiliyati. Suv shimish birlik ulushlarida yoki mutlaq quruq jins ogʻirligiga nisbatan foizda ifodalanadi. Jins-kollektorlarning suv shimishi, deganda, shuningdek, burgʻu quduqlari yoki togʻ inshootlari ochgan jinslarning suv yutishi ham tushuniladi.

oqava suvlarni yigʻish, transportirovka qilish, markazlashtirilgan ravishda toʻplash (mas. tozalash inshootlariga) uchun moʻljallangan texnik moslama.

bulardan birlamchi gazni ajratish, oʻlchash va quduqlar ishini muvofiqlashtiradigan guruhiy punktlar mavjud boʻlganda yoki kon boʻyicha yagona ajratish va ajratilgan gazni hisoblash, quduqlarning ishlashini muvofiqlashtirish (kollektorsiz sistema) punktlari boʻlganda qoʻllaniladi (P.8-rasm). Guruhiy va kollektorsiz sistemalar boshqa sistemalarga qaraganda sezilarli darajada ustunlikka ega boʻlishi uchun, quduq ishini muvofiqlashtirish (shtutserlar yordamida), shuningdek, har bir quduqda gazni hisoblash va uni separatsiyalashni asosiy punktga koʻchirish mumkin boʻlishi kerak.