Hayot Foundation лойиҳаси
Лойиҳа ҳақида
Ўз
Ўз

Қидирув

«кўрлик» бўйича 90 та натижа: Изоҳли

Филтр
Луғат тури
Изоҳли Таржима Терминологик Фразеологик

Луғат мақолалари

89 та
кўрлик

от 1. Кўриш қобилиятининг бутунлай ёʻқолиши, ёʻқлиги; сўқирлик.

Кўрлик туғма ва орттирилган бўлади. Орттирилган кўрлик кўз касалликлари шунингдек, кўз косаси ва бош мия шикастларидан сўнг пайдо бўлади. — Ўзме

2. кўчма Нарсалар, воқеа-ҳодисалар моҳиятига тўлиқ тушуна олмаслик; онгсизлик, билимсизлик; бехабарлик.

Сиёсий кўрлик.

Лекин [Ёʻлчи] ўз саводсизлигидан энди жуда чуқур ўксинди: Мана, бу ўрис китоб билан дардлашиб ётибди, лаби қимирламаса ҳам, гаплаша ётибди Эҳ. кўрлик қурсин! — Ойбек, Танланган асарлар

Тўлиқ мақола →
кор

от 1. кам қўлл. Бирор мақсадда қилинадиган фаолият, ҳаракат, иш.

Энди бу коринг қўйгин, Беҳуда юраринг қўйгин. — Тоҳир ва Зуҳра

Сиз қаторда норим бўлса, юким ерда қолмайди, деб юрибсиз. Гап норда эмас, корда! — С. Абдуқаҳҳор, Гап норда эмас

2. Ҳожат-эҳтиёж.

Бирор корига ишлатмоқ.

Шунисига суюнаманки, ўша вақтларда яхшигина рўзғор тузиб, қўр-қут орттирган эканмиз, бари халқнинг корига ярайди. — Ойбек, Олтин водийдан шабадалар

3. Тўғрилаш ёʻли; илож.

шундоқ қилсам, чакки бўлмас. Бунинг кори осон. — Муштум

Суянган тоғимиз ўзингиз, опахон, бир Корини қилмасангиз, ишкал бўлиши турган гап. — А. Тўлаганхўжаев, Чигирткалар

  • Кори бад Ёмон иш, ярамас хатти-ҳаракат. Сиз менинг мактабимни ёндирмадингиз, ёʻқ, болаларнинг дилларида ўз кори бадингиз билан ўзингизга нафрат ўтларини ёндирдингиз. — М. Исмоилий, Фарғона тонг отгунча
  • Кори хайр Хайрли, яхши иш; ҳиммат билан берилган (бериладиган) нарса. — Кори хайр иши давлатга қарамайди, оғайни,— писанда қилди мулла Бердиёр, — ҳимматга қарайди, ҳимматга. — МуштумБир-биримизга қанот-қуйруқ бўлиб, вақт-соат етганда, кори хайрга киришамиз. — Ойбек, Олтин водийдан шабадалар
  • Кор жойи Нозик жойи, таъсир қиладиган жойи. Молларни олиб чиқиб кетишди, қий-чув солиб, чироқ ёқиб қарасак, ўлиб ётибди. Унинг кор жойига пичоқ солган экан. — Ҳ. Нуъмон ва А. Шораҳмедов, Ота
  • Кор қилмоқ Таъсир қилмоқ. Сув ўтга кор қила бошлади ва орадан бирор соат ўтар-ўтмас, аланга пасайди. — Ҳ. Ғулом, МашъалҲой, Юлдузхон, сенга кулишга кулдим-у, боядан бери ўзимга кор қилмаяпти-да. — Р. Файзий, Чўлга баҳор келди
  • Кори ҳол Бирор иш, ҳодиса (одатда, номақбул иш, ҳодиса). Майли, жиддий кори ҳол рўй бермаган бўлса бўлди. — О. Мўминов, Хиёбондаги уч учрашув
Тўлиқ мақола →
кўра

от 1. Кўрмоқ феълидан равишдош.

Мени кўра ўрнидан турди.

— Ўз роҳатимни кўзлаб, сизнинг ошингизни кутиб қолсам, беш кишини, кўра-била туриб, оч қўйган бўламан, — деди Отабек. — А. Қодирий, Ўтган кунлар

2. кўм. (ж. к. билан) Сабаб, асос муносабатини билдиради; асосида, мувофиқ, биноан.

Шунга кўра. Таомилга кўра.

Тузилган битимга кўра, Абдулатиф Самарқандга юборилди. — Мирмуҳсин, Меъмор

Отам, ўз касбининг тақозосига кўра, умрининг кўп қисмини сафарларда ўтказган одам. — Шукрулло, Жавоҳирлар сандиғи

3. кўм. (ч. к. билан) Қиёс, таққослаш муносабатини билдиради; нисбатан, қараганда.

Сиз буни мендан кўра яхшироқ биласиз. Ундан кўра бу яхшироқ.

Пештахталар олдида харидордан кўра кўпроқ уймалашган сотувчилар тилларидан бол томиб, молларини таърифлашади. — Н. Аминов, Суварак

Масала у ўйлаганидан кўра чуқурроқ кўринарди. — Ф. Мусажонов, Ҳиммат

Меъмор ҳатто ўз ўғли Низомиддиндан кўра ҳам Завракнинг гапларига ишонарди. — Мирмуҳсин, Меъмор

Тўлиқ мақола →
кўрк

от Ҳусн, чирой, гўзаллик.

Тоғларнинг бешкай томонларида энди гуллаган жийдалар боғларнинг кўркига кўрк қўшарди. — О. Ёқубов, Ота изидан

Тўлиқ мақола →
кўрак

от Ҳали етилмаган пайтида совуқ урган, очилмай қолган кўсак.

Кўрак чувиш машинаси.

Далада пахта тугади, энди кўрак узиляпти. — И. Раҳим, Чин муҳаббат

Тўлиқ мақола →

Ҳаммасини кўриш · 89 →

Таърифлар ичида

1 та