Поиск

fl. 1. Koʻpaymoq feʼlining orttirma nisbati.

Mevali daraxtlarni yanada koʻpaytiramiz.

Mudir gapni koʻpaytirib, xaridorning qonini qaynatmaslik uchun, oqsoqlanib, ichkari kirib ketdi. — I. Rahim, Ixlos

2. mat. Biror sonni boshqa bir son ifodalagan miqdor hissasida orttirmoq, zarb qilmoq.

Uchni ikkiga koʻpaytirmoq. Domla mashgʻulotni davom ettirdi. U ikki aʼzoli sonlarni koʻpaytirishni oʻrgatar edi. — P. Tursun, Oʻqituvchi

fl. 1. Son, miqdor jihatdan ortmoq; oshmoq.

Daromad koʻpaydi. Chorva mollarining soni koʻpaydi.

Atrofida tobora odam koʻpayib borar, birov unga uzoqdan taʼzim qilar notanish kishilar sekin kalla silkib qoʻyardi. — S. Siyoyev, Yorugʻlik.

Urush, janjal koʻpaymasin deb, dardimni ichimga yutaman. — Oybek, Tanlangan asarlar

2. biol. Oʻzidan koʻp nasl qoldirmoq; urchimoq.

biol. Oʻzidan koʻp nasl qoldirish; urchish

Jinsiy koʻpayish. Jinssiz koʻpayish. Kurtaklanish yoʻli bilan koʻpayish. Boʻlinish yoʻli bilan koʻpayish. Koʻpayish aʼzolari

ot mat. Koʻpaytirish amalida: ikki sonni koʻpaytirishdan chiqqan natija.

fl. ayn. Koʻpaytirmoq 1, 2.

ot mat. Koʻpaytirish amalida: boshqa songa koʻpaytiriladigan son.