Қидирув

от 1. шв. Ханжувар.

Кўмма қилиб экмоқ.

[Ғўза кўчатини] Болалар лой-пойи билан кўчириб ва бўлтак ерга қатор кўммалар очиб ўтқаздилар. — Н. Сафаров, Замон

2. Ерга кўмиб ўрнатилган.

Кўмма устунлар.

Саҳнини янтоқ босган яланг ҳовлида иккита ёғоч каравот, ўртага кўмма стол ясалган, унинг атрофига қўлбола табуреткалар қўйилган эди. — С. Абдулла, Мавлоно Муқимий

3. Одатда кўмиладиган, кузда кўмиб, совуқдан сақланадиган (мевали дарахтлар ҳақида).

Кўмма анор. Кўмма ток. Кўмма қилмоқ.

4. Чўғга (ўтга) кўмиб тайёрланадиган, пишириладиган.

Қўй сути, қўй мойига Упадекунни қориб, Йилтиллама хамирни Қўш това аро солиб, Кўмма қилади дарров, Шувоқ илдизин ёқиб. — Қ. Муҳаммадий.

Бобо бўлар хотиржам, Пиширар кўмма кулча. — Қ. Муҳаммадий.

фл. 1. Ковланган ерга (чуқурча, ўра ва шу кабиларга) жойлаб, устини беркитмоқ.

Сабзини кўммоқ. Картошкани кўммоқ.

Шолини кечаси отхонадан олиб, бошқа ерга кўминг. — Ҳ. Ғулом, Машъал

2. Тупроқ, шағал, қум, тош, кесак, хашак каби нарсалар билан қоплаб беркитмоқ, кўринмайдиган қилиб қўймоқ.

Оёқни қумга кўммоқ. Токни кўммоқ. Бу жойларда анжир билан анорни ҳам кузда кўмадилар.

Пахомов картошкаларни ҳавас билан бир-бир ушлаб, ўтга кўма бошлади. — Ойбек, Қуёш қораймас

3. Ўликни гўрга қўймоқ; дафн этмоқ.

Сизнинг ўжарлигингизни деб, гулдек қизимни бегона шаҳарга икки қўллаб кўмиб келдим. — Ҳ. Аҳмар, Ким ҳақ?

4. Чуқур жойни тўлдирмоқ, ер билан текисламоқ.

[Сидиқжон] Тўлиб қолган кир ўрани кўмиб ташлаб, бошқа ўра қазиди. — А. Қаҳҳор, Қўшчинор чироқлари

Бултур пахта эккан бригада ернинг намини сақлаш учун зовурни кўмган экан. — Н. Сафаров, Хадича Аҳророва

5. кўчма Жуда ортиқ даражада таъмин этмоқ; тўкиб, ёғдириб ташламоқ.

Ишга кўмиб юбормоқ. Пулга кўмиб ташламоқ.

Ҳайитмат аканинг назарида, Ҳикмат домла ўз қавмларини ҳаш-паш дегунча олтинга кўмиб юбораётгандек бўлиб кўринди. — Н. Мақсудий, Лайлатулқадр

от эск. кт. Мақсад, мурод; шодлик, комронлик.

Бахт-у давлатдин бутун ўртоқларим ком олдилар, Соате дунёда бўлмам комрон, қандоқ қилай? — Ҳадия биби (Ўзбек шоирлари)

Сенингсиз менга ком ёʻқдир, Асал ичсам, заҳар бўлғай. — Э. Воҳидов, Муҳаббат

от Бутунлай ҳушдан кетиш, қон айланишининг, нафас олиш ва модда алмашинувининг бузилиши, ташқи таъсирларга жавоб бермаслик, умуман, марказий нерв системаси фаолиятининг издан чиқиши билан кечадиган, ҳаёт учун хавф туғдирадиган ҳолат.

от Моддий, жисмоний, маънавий ёки бошқа жиҳатдан қўллаб-қувватлаш; ёрдам.

Катта кўмак. Кўмак олмоқ. Дўстлар кўмагида қийинчиликларни енгмоқ.

Кетаман, қизим, шаҳарда аллақанча ишим бор. Ботиралининг кўмаги билан битказиб олай. — Ҳ. Ғулом, Машъал

Оғир дақиқаларда бир-бирларини қўллаб, кўмак берардилар. — Ш. Рашидов, Бўрондан кучли

Йигитлардан бирининг кўмагида отга миниб, жиловини қўйди. — А. Қодирий, Меҳробдан чаён

Оға, не қил дейсиз Мен сиздан кўмак истаб келдим. — С. Сиёев, Аваз

сфт. Комик, ҳажвий ролларни ўйновчи актёр; қизиқчи, масхарабоз.

Соиб Хўжаев Муқимий номидаги ўзбек давлат мусиқали драма театрининг комикларидан эди.