Поиск

ot Biror ish-faoliyatning yoyilish, qamrash doirasi, hajmi, miqyosi; rivojlanish, avj olish darajasi.

Poʻlat ish boshlagan dastlabki kundanoq ish koʻlamining bu qadar kattaligi, binokorlar zimmasiga katta vazifa yuklatilganligidan faxrlana boshladi. — Sh. Rashidov, Qudratli toʻlqin

Shaharlarda qurilish yil sayin kengayib bormoqda. — Oʻzbekiston qoʻriqlari

ot Quruqlikning suvga toʻlgan (suv qoplagan), atrofi berk, chuqurlikdan iborat tabiiy suv havzasi.

Katta koʻl.

Choʻlda yurgan qoʻngʻir gʻoz, koʻl qadrini ne bilur. — Maqol

Toma-toma koʻl boʻlar. — Maqol

[Gʻulomjon] Oy yorugʻida kumush tovlab turgan koʻlning chap qirgʻogʻi bilan pastga tushib bordi. — M. Ismoiliy, Fargʻona tong otguncha

Daryo boʻyida katta-kichik koʻllar, toʻqayzorlar koʻp edi. — Oʻ. Hoshimov, Qalbingga quloq sol

sft. Koʻlamga ega.

Oldinda keng koʻlamli, murakkab vazifa turardi. — Oʻzbekiston qoʻriqlari

Zamon kechar ekan har qanday damda, Koʻlamli quvonch-u yo nogoh gʻamda. — A. Oripov

sft. Keng koʻlamli (koʻlami keng).

Taʼsirchan lirik oʻylari va koʻlamdor epik dostonlari bilan million-million kitobxonlar muhabbati va ixlosiga sazovor boʻlgan mashhur shoirlarimizdan biri Uygʻundir. — OʻTA

ot Kimyoviy tajribalarda ishlatiladigan boʻgʻzi uzun va tor, shar yoki konus shaklidagi shisha idish.

U [Aziz aka] kolbadagi eritmani sinchiklab kuzatdi-yu, nimalarnidir yozib qoʻydi. — Saodat

ot kam qoʻll. ayn. Koʻlanka.

Jim-jit, qorongʻi koʻchalardan otni qattiq haydab ketdi. Hushtak, shaqildoq chalgan tanho qorovul koʻlkalari unda-bunda uchrab qolar edi. — Oybek, Tanlangan asarlar

Olma, oʻrik, bodom gul ochadi, Supamizda salqin koʻlkasi. — Mirtemir