Поиск

ot 1. Koʻsaksimon hosili ichida mayda koʻkish urugʻi bor, tanasida sut shira yetishadigan bir yillik va koʻp yillik oʻsimlik.

Said Jayulxon qaytib kirdi, bor tovushi bilan baqirdi: — Hamma yerlaringga koʻknor ektiraman! — A. Qahhor, Bashorat

2. Shu oʻsimlikning hosilidan ivitib, ezib tayyorlanadigan, kayf beradigan ichkilik.

[Marayim] Kirmagan koʻcha qolmadi: nayakini oʻrgandi, qora dori yedi, takyalarga kirib, koʻknor ichdi. — M. Ismoiliy, Fargʻona tong otguncha

ot 1. ayn. Koʻknor.

Said Jalolxon, uning bir qadoqqa yaqin koʻknorisi borligi maʼlum edi, shu koʻknorini izlab, uyga kirdi. — A. Qahhor, Bashorat

2. Koʻknor ichuvchi bangi.

Gʻulomjon pinagi buzilgan koʻknori singari seskanib, yoniga qaradi. — M. Ismoiliy, Fargʻona tong otguncha.

ot (odatda koʻplik shaklida keladi) Ikki pallali ayrim tojbargli oʻsimliklar oilasi.

ot Koʻknor ichimligi tayyorlanadigan va koʻknor ichuvchi bangilar yigʻiladigan joy; takya.

Guzardagi eski koʻknorixona shaklidagi choyxona buzilib, yangi choyxona tashkil qilingan. — H. Shams, Dushman

ot (odatda koʻplik shaklda keladi) Oʻsimliklar oilasi.