Қидирув

фл. Кўкартирмоқ феълининг биргалик нисбати.

фл. 1. Ўт-ўсимлик ёки барглар билан қопланиб, кўк, яшил тусга кирмоқ.

Баҳор келди, далалар кўкара бошлади.

Гиёҳ унмаган чўллар меҳнаткашлар қони бараварига ям-яшил кўкарган эди. — А. Қодирий, Меҳробдан чаён

2. Униб-ўсмоқ, амал олмоқ; кўкламоқ (ўт-ўсимликлар ҳақида).

Экин яхши кўкарди.

Чурук бўғотлари осилган эски уйларнинг томлари четида майсалар кўкарди. — Ойбек, Танланган асарлар

Боғ бригадасидаги кишилар бутун ёз бўйи уларни парвариш қилди, қаради. Лекин олмалар кўкармади. — Газетадан

3. кўчма Ривож топмоқ; ўсиб-унмоқ, ўсмоқ.

Дарахт бир жойда (ерда) кўкаради. — Мақол

Ер олган кўкаради, ер сотган қурийди. Мана бу гапнинг мағзини чақ! — Ойбек, Танланган асарлар

Бировнинг кўкарганини кўра олмайдиган ғаламисга ўхшайди. — С. Нуров, Нарвон

4. Қаттиқ зарб, совуқ ёки бошқа бирор сабаб таъсирида кўк-қорамтир тусга кирмоқ (бадан, юз ранги ҳақида).

Боланинг қўллари совуқдан кўкариб кетибди.

Кўкариб кетган оёқни кўриб, Полвоннинг раҳми келди. — Ж. Шарипов, Хоразм

Бўтавой жаҳлдан кўкариб сўкинар, паранжиси елкасига тушиб кетган Эшон ая овозининг борича дод солиб, уни қарғарди. — С. Аҳмад, Ҳукм

5. Айниб, бузилиб, кўкка мойил тус олмоқ.

Гўшт кўкариб қолибди.

Кўкариб кетган бу сассиқ сувда бижиллаб ётган ҳар хил қуртлар тушган ерида бир-икки қилпанглаб, дарров ўларди. — М. Исмоилий, Фарғона тонг отгунча

русчакокарда, эмблема, значокинглизчаbadge

фл. с.т. айн. Кўкартирмоқ.

фл. Кўкармоқ феълининг орттирма нисбати.

сфт. Тез кўкариб (илдиз отиб) кетадиган (ўсимлик ҳақида).