Поиск

ot 1. Badanni va tana aʼzolarini berkitish, yopish va shu bilan inson tanasini tashqi muhit taʼsiridan saqlash uchun kiyiladigan, asosan, mato va teridan tikib tayyorlanadigan narsalarning umumiy nomi.

Ichki kiyim. Ustki kiyim. Bosh kiyim. Oyoq kiyim. Milliy kiyim. Ayollar kiyimi.

Top koʻchaning yuqori burchagida otining tizginini ushlagan holda, bir yigit kiyimiga oʻtirgan chang-toʻzonlarni qoqar edi. — A. Qodiriy, Oʻtgan kunlar

Gulnor qutilardan birini ochib, kiyimlari orasiga haligi doʻppini joylashtirdi. — Oybek, Tanlangan asarlar

Hovliqib, rus harbiy zobiti kiyimida shahzoda Isfandiyor kirdi. — S. Siyoyev, Yorugʻlik

2. ayn. Kiyimlik.

Bir kiyim atlas. Ikki kiyim duxoba sotib olmoq.

sft. Kiyimga ega.

ot Kiyim qilinadigan mato, kiyimbop gazlama; kiyimga moʻljallangan.

Bir kiyimlik duxoba. Ikki kiyimlik atlas. Kiyimlik xarid qilmoq.

[Dehqon:] Qovunim pishib chirib ketdi bitta chetanda olib tushay-da, sotib, bolalarga kiyimlik olay, deb xayol qilgan edim. — Oybek, Tanlangan asarlar

Amakingizning doʻkoniga yaxshi shohilar, baxmallar kelibdi, olmaysizmi? Kecha uch-toʻrt kiyimlik olib kelib qoʻydilar. — Oydin, Hikoyalar

ot Kiyiladigan narsalar, kiyim; ust-bosh, kiyim-kechak.

Bular [yigitlar] bir shaharga tushib, ertasiga kiyim-bosh olishdi. — A. Qahhor, Oltin yulduz

Elmurod oʻzini ular oldida dadasining kiyim-boshini kiyib yurgan boladay qoʻpol, uquvsiz sezardi. — Shuhrat, Shinelli yillar

ot Qovush shoxli sutemizuvchilar oilasining ohu, bugʻu va hokazolar kabi katta bir guruhining umumiy nomi.

Togʻ choʻqqisida oʻtlab yurgan kiyik sharpani eshitib, bosh irgʻatganday boʻldi. — M. Ismoiliy, Fargʻona tong otguncha.

fl. 1. Kiyim bilan badanni yoki biror aʼzosini yopmoq; kiyiladigan narsa (kiyim)ni tanaga, tanadagi aʼzoga yopmoq, qoʻymoq, ilmoq.

Koʻshak kiymoq. Doʻppi kiymoq. Etik kiymoq. Palto kiymoq. Niqob kiymoq. Qoʻlqop kiymoq.

Qiz tugunini qoʻltiqlab, hovliga tushdi. Kavushini kiymadi. Yalang oyoq ship-ship yurib ketdi. — Oybek, Tanlangan asarlar

Gʻulomjon apil-tapil kiyimlarini kiydi, oyoqlariga kovushlarini ildi sharpasiz qadamlar bilan darcha oldiga keldi. — M. Ismoiliy, Fargʻona tong otguncha.

2. etn. Hadya kiyimi olmoq.

Sharmsizdir yuzlari, Oshga toʻymas koʻzlari, Toʻyga borib, toʻn kiymoq Hamon fikr-u soʻzlari. — Hamza

3. koʻchma Oʻranmoq, qoplanmoq, burkanmoq (oʻt-oʻlan, gul va shu kabilar bilan).

Bahorning dastlabki kunlari: qishloq yashil libos kiygan. — N. Safarov, Xadicha Ahrorova

Dunyoni gullarning xushboʻy hidi tutadi, gulshan-u bogʻlar qizil sarpo kiyadilar. — Gazetadan