Qidiruv

olm. 1. soʻr. olm. Umuman, shaxs haqida (ismi, ish-amali va boshqalar nuqtai nazardan) soʻroqni bildiradi.

— Kim keldi? — Sobir. — Meni kim soʻradi? — Direktor.

— Mening bu yerda ekanligimni kim aytdi? — dedi Sidiqjon birpas jimlikdan soʻng. — Oʻzingiz soʻroqlab bildingizmi? Kimdan soʻradingiz? — A. Qahhor, Qoʻshchinor chiroqlari

— Xoʻp, yangi ochiladigan maktablarda kim oʻqiydi? — dedi boy. — Musulmon bolalari. — Oybek, Tanlangan asarlar

— Siz oʻzingiz kimsiz? — Oʻgʻlingiz Nizomiddinning doʻstlaridanman. — Mirmuhsin, Meʼmor

— Yuvgʻuchi kerak boʻlsa, kadxudoning uyiga bor. Kiming oʻlgan? — dedi choyxonachi qalandarga. — S. Siyoyev, Yorugʻlik

2. Ismi, ish-vazifasi va boshqalar jihatdan aniq boʻlmagan shaxsni bildiradi.

Shuning uchunmi, koʻksi zardobga toʻlib, dardini kimga aytishini bilmay qolgan kezlarida, Avaz Mutribni sogʻinadi, unga koʻngil yoradi. — S. Siyoyev, Yorugʻlik

3. Nisbiy olmosh vazifasida ergash gapni bosh gapga bogʻlash uchun xizmat qiladi.

Kimning bilagida kuchi boʻlsa, kim ishning havosini olsa, oʻsha zarbdor boʻlaveradi. — A. Qahhor, Qoʻshchinor chiroqlari

4. Qator kelgan bir necha gaplar boshida qoʻllanib, biri, baʼzisi degan maʼnoni bildiradi.

Ularning bari jarohatlangan: kimi boshini ushlaydi, kimi belini koʻtara olmaydi. — Oybek, Tanlangan asarlar

Aksarining ust-boshi yupun kimlarda poxol tiqilgan eski kalish, kimlarda jagʻi yirtiq kavush, lekin ular shod. — Oybek, Tanlangan asarlar

ot 1. Umuman odam, shaxs, zot.

Qisqasi, ilgaridan oddiy bir tengdoshdek boʻlib kelgan bir qiz endi Elmurod uchun sirli bir kimsaga aylanib borar edi. — P. Tursun, Oʻqituvchi

Bu nomaʼlum kimsa oyoq uchi bilan yurib keldi-da, moʻralab ayvonga qaradi. — A. Qodiriy, Oʻtgan kunlar

2. kam qoʻll. Hech kim, hech zot.

Goʻyo kimsa hol soʻrmas mendan, Joʻralarim soʻramaslar hol. — Rauf Parfi

Non sotib olay desa, bozor yoʻq, tortib olay desa, kimsa yoʻq. — I. Rahim, Chin muhabbat

ot 1. Moddalar, ularning tarkibi, tuzilishi, xossalarini, shuningdek, bir moddaning boshqa moddaga aylanishini oʻrganuvchi fan.

Analitik kimyo. Noorganik kimyo. Organik kimyo. Kimyo oʻqituvchisi.

U erta bilan xatni pochtaga tashlab kelib, yana kimyodan konspektlarini oʻqishga tutindi. — Mirmuhsin, Umid

2. koʻchma Shu narsa (tushuncha) ga (oltinga aylantirishga) nisbat beradi.

Muqaddas oʻlkam, ajib xushhavo, omon boʻlsin, Eli jasur-u yeri kimyo, omon boʻlsin. — Habibiy

Ajib nozik bu barmoqlar, Terib misqol qilur togʻlar, Jahonda eng buyuk kimyo Bu qoʻllardir, bu qoʻllardir. — E. Vohidov

3. Kimyo (xotin-qizlar ismi).

ot 1. Yapon erkaklari va ayollarining juda keng yengli xalat koʻrinishidagi kiyimi.

2. Umuman, shunday bichimdagi xalat yoki koʻylak.

Qizning egnida qiyiq yoqa, havorang batist kimono. — N. Yoqubov, Jon

ot 1. Kim soʻzining ikkinchi shaxsga qaratilgan soʻroq shakli.

Podadan adashgan buzoqqa oʻxshab duch kelgan eshikka boshingni tiqaverasanmi? Kimsan oʻzing? — Oybek, Tanlangan asarlar

2. Nazarda tutilgan shaxsning darajasi (amali, unvoni, boyligi va shu kabilar) yuqoriligini taʼkidlash uchun ishlatiladi.

[Tantiboyvachchaning dadasi] Ziqnaning pir urgani edi Kimsan — terifurush falonchi boy! Lekin koʻrgan odam yamoqchimi, boʻzchimi deb oʻylar edi. — Oybek, Tanlangan asarlar

— Xotinlari ham, kimsan — oqsoqolning xotinimiz, deb kekkayishib, oʻzlariga xon, oʻzlariga bek boʻlib, rosa zugʻumini oʻtkazishdi, — dedi Yusvali togʻa. — P. Tursun, Oʻqituvchi

3. Kimsan (erkaklar va xotin-qizlar ismi).

ot Oʻrishi ipak, arqogʻi zardan toʻqilgan mato; shu matodan tayyorlangan (tikilgan).

Bir toʻnlik kimxob. Kimxob toʻn. Kimxob nimcha.

Bu tuyalarning bir nechtasiga duxoba, kimxob, zarbof, atlas, adras va shoyi kiyimliklar yuklangan ekan. — S. Ayniy, Esdaliklar

Chigʻatoy bilan Oʻktoy kimxob toʻshak ustida oʻtirib, Chingizxondan kelgan choparning hikoyasini tinglashardi. — M. Osim, Oʻtror