«keyinchalik» boʻyicha 102 ta natija: Izohli
ot Maʼlum vaqt oʻtgach, keyingi vaqtlarda, kelgusida.
Keyinchalik bir gap boʻlar.
Sidiqjon keyinchalik harchand urinsa ham, bu toʻgʻrida qoridan boshqa gap ololmadi. — A. Qahhor, Qoʻshchinor chiroqlari
Chamasi, kasalxona yaqinidagi bu bozorcha oʻz-oʻzidan paydo boʻlgan, keyinchalik bir qator rasta qurilib, ustiga rangdor plastmassa shifer yopib qoʻyilgan edi. — Oʻ. Hoshimov, Nur borki, soya bor
rvsh. 1. Shu yoki oʻsha tobda emas, maʼlum vaqt oʻtgach; soʻng.
Shu kitobni keyinroq oʻqiyman.
Boyvachchaning kimligini keyin aytaman. — K. Yashin, Hamza
Xoʻp, hozir taqmasang, choʻntakka sol, uyingga yashir, keyin taqasan. — Oybek, Tanlangan asarlar
Qaltis yiqilib, biron joyi mayib boʻlgan kishi buning ogʻrigʻini oʻsha tobda emas, keyin bilgandek, Sidiqjon bu mojaroning butun dahshatini shu kechasi koʻrpaga kirganidan keyin biladi. — A. Qahhor, Qoʻshchinor chiroqlari
2. Avvalgisining ketidan; soʻng, soʻngra.
Madaminxoʻja dasturxon soldi, non ushatdi, keyin kattakon bir gurskettini keltirib, pichoq tortgan edi, qovun qars etib yorildi. — M. Ismoiliy, Fargʻona tong otguncha.
Charos yana yigʻlab yubordi. Keyin koʻz oʻngi qorongʻilashib, hech nima koʻrinmay qoldi. — Oʻ. Hoshimov, Qalbingga quloq sol
3. ayn. (egalik va kelishik shakllari bilan: keyiniga, keyinida) orqa (orqasiga, orqasida), ket (ketiga, ketida).
Dushman yurar mard oʻgʻlonning keyinidan. — Oysuluv
Tuya, odati boʻyicha, quduqdan chekkaga qarab yurdi, keyinidan jun arqon tortilib borardi. — K. Yashin, Hamza
Aqliraso bolalarim biladi: Oʻqimagan nari, keyinda qolar. — Fozil Yoʻldosh oʻgʻli
4. krsh. s. Bundan tashqari, shuning bilan birga, shuningdek; yana.
Agar [qovun] yaxshi boʻlsa, xalq yeb, sizni duo qiladi, men oʻzim yemayman. Keyin, kim biladi, bir palakdan har xil qovun yetishadi Uch soʻlkavoy beraman, xoʻp deng. — Oybek, Tanlangan asarlar
5. koʻm. vzf. (ch. k. bilan) Soʻng, ketidan, tugagach, oʻtgach.
Hammadan keyin. Ishdan keyin. Ovqatdan keyin. Kun botgandan keyin.
Hammaga zehn solib oʻtirgan Safarov Boʻtaboy akadan keyin oʻshanga [Roʻzimatga] soʻz berdi. — A. Qahhor, Qoʻshchinor chiroqlari
Sidiqjon ovqatdan keyin qoʻliga gazeta olgan edi, bir maqolani yarimlatmasdan, koʻzi suzildi. — A. Qahhor, Qoʻshchinor chiroqlari
6. bogʻl. vzf. (ch. k. bilan) Sabab yoki payt ergash gapni bosh gapga bogʻlash uchun xizmat qiladi va sabab, payt munosabatini bildiradi.
Qoʻl kalta boʻlgandan keyin, qayoqqa uzatasan? — Oybek, Tanlangan asarlar
Yorugʻ dunyodan umiding boʻlmagandan keyin, darchang qiyshiq turdi nima boʻldi-yu, toʻgʻri turdi nima boʻldi. Bunaqa narsalar orzu-havasga bogʻliq. — A. Qahhor, Qoʻshchinor chirshugari
Bu ishlar bir qadar bitgandan keyin, Sidiqjon onasini olib kelgani Bahrobodga bordi. — A. Qahhor, Qoʻshchinor chiroqlari
sft. 1. Ketma-ketlikda oldingidan keyin turuvchi, navbatdagi.
Oldingi arava qay yoʻldan yursa, keyingi arava ham shu yoʻldan yurar. — Maqol
Raʼno keyingi misrani oʻqib, oʻylanib qoldi. — A. Qodiriy, Mehrobdan chayon
U [Yoʻlchi] koʻzlagan joyiga tezroq yetishga oshiqib, oʻtkinchilardan soʻrar edi: — Toʻpqayragʻochga yaqin qoldimi? — Hali bor. Koʻprikdan keyingi guzar. — Oybek, Tanlangan asarlar
2. Ket tomondagi, orqadagi.
Aravaning keyingi gʻildiragi. Otning keyingi oyoqlari.
Shoh [pashsha] keyingi oyoqlari bilan qanotining ustini siladi. — A. Qahhor, Bashorat
3. Oxirgi, soʻnggi.
Gʻulomjon keyingi vaqtlarda tanholikka mayl bogʻlab, mullavachchalar suhbatidan oʻzini tortadigan boʻlib qoldi. — M. Ismoiliy, Fargʻona tong otguncha
Keyingi yangi modellar ichida yoshlarning sport kostyumi boʻlib, bunga besh qirrali faxrli belgi berildi. — Gazetadan
4. Yaqinda paydo boʻlgan, yangi.
Toshkentlik mashhur bir boyning xasisligi haqida keyingi, hali hech kimning qulogʻiga chalinmagan latifalar suhbatga rang berib turar edi. — Oybek, Tanlangan asarlar
Keyinchalik.
Vaqt oʻtib, asta-sekin.
keyinroq Keyinchalik.
stajyor Keyinchalik muayyan lavozimda ishlash uchun sinov muddatini oʻtayotgan va taʼlim olayotgan kishi.
atavizm biol. Qadimgi ajdodlarda boʻlgan belgilarning bir necha boʻgʻinda yoʻqolib ketib, keyinchalik boshqa avlodlarda yana paydo boʻlishi.
videosalon Videofilmlar koʻrsatishga moslashgan xona, joy. Keyinchalik bu videosalonda tomoshabinlar uchun bir qancha qulayliklar yaratiladi. Gazetadan
grivna tar. Qadimgi Rusda 409 g ga teng kumush yombidan iborat asosiy pul va ogʻirlik birligi; keyinchalik 10 tiyinga teng pul birligi. Ukrainada: asosiy pul birligi.
akkumulyator Elektr yoki issiqlik energiyasini keyinchalik foydalanish uchun toʻplaydigan qurilma, asbob. Elektr akkumulyator. Akkumulyatorlar batareyasi. Shofyor akkumul
Abduaziz boy otasidan qolgan mol-mulkni sovurib, qirqta joʻrasidan yordam soʻraydi, ammo ular yordam bermaydi. Keyinchalik u karvon bilan safarga chiqib, quduqd
Bu ertakda podshohning oʻz xotinlaridan birini qoʻyib yuborishi va keyinchalik uning oldiga mehmonga borishi haqida hikoya qilinadi. Suhbat davomida xotin podsh
Doro podsho tuhmat tufayli homilador xotinini haydab yuboradi. Ayol oʻgʻil tugʻib, uni Iskandarbek deb ataydi va taqdirga tashlab ketadi. Iskandarbek turli qiyi
Ushbu ertakda ayiq tomonidan oʻgʻirlab ketilgan podsho qizining oʻgʻli Loʻnda polvonning sarguzashtlari hikoya qilinadi. U oʻzining gʻayritabiiy kuchi va doʻstl
Bir podshoh kambagʻal qizga uylanish uchun hunar oʻrganadi. Keyinchalik, oʻsha hunar uning hayotini saqlab qolishiga va mamlakatidagi sirli yoʻqolishlarni fosh
Sulton Husayn oʻz vazirlarining yolgʻon soʻzlariga ishonib, Alisher Navoiyni zindonga tashlaydi. Keyinchalik Navoiyning aybsizligi maʼlum boʻlgach, uni zindonda
