ot 1. Qotgan, qurigan loy boʻlagi.
Ichkaridan ham chertish tovushi eshitilgandan keyin, yerdan bir kesak olib, derazaga katta harf bilan men soʻzini teskari yozdi. — S. Ayniy, Qullar
Devor ustida turgan oʻn ikki yoshlardagi bir qiz devordan kesak koʻchirib olib, mulla Norqoʻziga oʻqtaldi. — A. Qahhor, Mayiz yemagan xotin
2. shv. Guvala.
Kesak qalamoq. Kesak devor.
3. koʻchma His-tuygʻusi yoʻq, hushsiz; hech narsadan taʼsirlanmaydigan (kesakka nisbat beriladi).
— Qiz bilan boshlashib, [Qosimovning] uyiga kiraman, jigʻiga tegaman, qani, rashk oʻti bormikan vujudida. Agar gʻirt kesak boʻlsa, oʻzidan koʻrsin, — dedi Ahmad. — A. Muxtor, Davr mening taqdirimda
— Yormat, odammisan, otamisan! — deb baqirdi ellikboshi, — oʻl, kesak! — Oybek, Tanlangan asarlar
- Tegganga tegib, tegmaganga kesak otadi Duch kelganni xafa qilaveradigan, hech kimga tinchlik bermaydigan, urishqoq, bezori.
- Kesak boʻlib qolmoq His-sezgisi, hushi yoʻqolib qolmoq; qotib qolmoq. Otib oʻldirish soʻzini eshitgan Aziziy kursiga suyanganicha kesak boʻlib qoldi. — H. Gʻulom, Mashʼal
- Kesakdan olov (yoki oʻt) chiqqandek Boʻlmagan, boʻlishi mumkin emas ish yuz bergandek. Kesakdan olov chiqqandek, umrida ashula aytmagan Abduvahob birdan: Farzand kerakdir yigitga! — deb xirgoyi qildi-yu, hoʻngrab yigʻlayverdi. — MushtumKesakdan oʻt chiqdi, deb Teskari amaki ham xursand. — S. Siyoyev, Yorugʻlik
- Qorongʻi uyga kesak otgandek Foydasiz, behuda. Bunga [mehmonga] gap uqtirish qorongʻi uyga kesak otgandek gap edi. — A. Qahhor, Dumli odamlar