Поиск

fl. Bir tomonidan, chekkasidan uzib, uchirib olmoq; shu tarzda yoʻq qilmoq, kamaytirmoq, qisqartmoq.

Avj olganini chekanka qilib, kemtib turaman. — Shuhrat, Oltin zanglamas

Yerga yer qoʻshish oʻrniga uni kemtish, tashlab qoʻyish, qoʻriqqa aylantirish uyat-ku, axir. — Gazetadan

ot 1. Predmetning uchgan, singan, kertilgan, buzilgan, nuragan joyi.

Sanam bogʻ adogʻidagi kemtikdan oshib, egasi koʻchib ketib, huvullab qolgan qoʻshni boqqa tushdi, — Sh. Xolmirzayev, Toʻlqinlar

Darhaqiqat, uning chap qulogʻi kemtik. Oʻq olib ketgan. — S. Ahmad, Hukm

Supa chetidagi oʻchoq-da, qop-qorayib, joʻmragi kemtik qumgʻon qopqoqni koʻtarib, baqir-baqir qaynardi. — Sh. Toshmatov, Erk qushi

2. koʻchma Yetishmaydigan, toʻlmay qolgan joy; yetishmovchilik, kamchilik, nuqson.

Bunaqa ayol bilan umrining oxirigacha yashab boʻladimi? Hayotning nuqul kemtik tomonini koʻradi. — S. Nurov, Narvon

Faqat hisob-kitobingizda emas, ishlaringizda ham chalkashliklar, kemtiklar bor — H. Nazir, Koʻkterak shabadasi