sft. 1. ayn. Kelasi.
Kelgusi yil. Kelgusi hafta.
Robiya xola kelgusi dam olish kuni ularni oʻz bogʻiga taklif qildi. — N. Safarov, Tanlangan asarlar
2. ayn. Kelajak.
Sizlar kelgusida madaniyatli, bilimdon kishilar boʻlasiz. — P. Tursun, Oʻqituvchi
Choʻlni hozirgi holga keltirguncha biz chekkan mashaqqatlarni kelgusi avlodimiz tasavvur ham qilolmaydi. — Sh. Rashidov, Yangi yer haqida soʻz
3. kam qoʻll. Keyingi, navbatdagi.
Ular uch-toʻrt qadam yurishlari bilan, soya yana oldinga oʻtib ketar, kelgusi simyogʻochgacha yaqinlashgan sayin orqaga chekinar edi. — Oʻ. Hoshimov, Qalbingga quloq sol.