Поиск

ot 1. Hajm, koʻlam, daraja va shu kabilar jihatdan meʼyoridan ortiqlik; katta holat.

Hovuzning kattaligi. Yutuqning kattaligi. Vazifaning kattaligi. Yosh jihatdan kattalik.

Ketmonning vaznidan qatʼiy nazar, ketmonning bet kattaligini yerga chizib koʻrsatdi. — A. Qodiriy, Obid ketmon

- Nima qildi, haqiqat oldida mening kichikligim, sizning kattaligingiz bari bir emasmi? — dedi Elmurod. — P. Tursun, Oʻqituvchi

2. Oʻzini oʻzgadan yuqori tutish; manmanlik.

Kattalikni bilmas bir yaxshi odam, Saxiylikda yoʻlda qolibdi Hotam. — Fozil shoir

sft. 1. zid. Hajmi, oʻlchami meʼyordan yoki nisbatan ortiq; ulkan; kichik.

Katta shahar. Katta hovli. Katta daryo. Katta soy. Katta tosh. Katta zal.

Traktor kesilgan katta daraxtlarning toʻnkasiga zanjir bogʻlab tortar, arra, bolta koʻtargan odamlar bularni kesib, qirqib, aravalarga yuklashar edi. — A. Qahhor, Qoʻshchinor chiroqlari

Oʻroz qayerdandir katta tarvuz keltirib, oʻrtaga qoʻydi. — Oybek, Tanlangan asarlar

2. zid. Tarkib jihatdan meʼyoridan ortiq, ortiq miqdorli; kichik.

Katta qoʻshin. Katta jamoa.

Men — oʻn oltiga toʻlmagan qiz, birdan yot va katta oilaga tushib qoldim. — Oybek, Tanlangan asarlar

3. Kuch-qudrati, darajasi, salmogʻi yuqori; buyuk, zoʻr.

Katta gʻalaba. Katta tantana. Katta eʼtibor. Katta jasorat. Katta bayram. Katta mahorat. Katta tortishuv.

Bu kitobni oʻsha kechasi katta qiziqish bilan qoʻlga olarkan, eri Abdullaboy kelib qolib, [kitobni] qoʻlidan yirib oladi. — Oybek, Tanlangan asarlar

Boltaboy kechki ovqatdan keyin keldi. U juda katta ishni bitirib kelganday, ogʻzi qulogʻida boʻlib, nuqul sement toʻgʻrisida sementlab qilingan toʻgʻon qanchalik pishiq boʻlishi va hokazolar toʻgʻrisida gapirar edi. — A. Qahhor, Qoʻshchinor chiroqlari

4. Yosh jihatdan ulugʻ, yoshi ortiq.

Katta oʻgʻil. U mendan katta.

[Yusufbek hoji:] Oyim, har nima, siz kattasiz, Zaynab yosh, kattadan kichikka shafqat lozim. — A. Qodiriy, Oʻtgan kunlar

5. ot Yoshi katta kishi; qari, keksa.

Kattani hurmat qil. Kattalar gapiga quloq sol.

6. Xizmatdagi martabasi, unvoni, darajasi jihatdan (boshqaga nisbatan) yuqori.

Katta ilmiy xodim. Katta laborant.

7. koʻchma Koʻzga koʻringan; atoqli, mashhur.

Katta olim. Katta artist,

Bu — Abdulla fonuschi degan katta qiziqchi. — Oybek, Tanlangan asarlar

Abdurahmonning amakilari Buxoroda katta mudarrislardan sanalar edilar. — A. Qodiriy, Mehrobdan chayon

Toshkentga butun mamlakatdan katta geolog olimlar kelishgan. — S. Karomatov, Oltin qum

8. Yuqori lavozimdagi amaldor; rahbar, boshliq.

Shaharning kattalari.

[Tojiboy:] E, nodon Menga tegsang, jon-jon demaysanmi? Bir yurtning kattasi boʻlsam. — P. Tursun, Oʻqituvchi

Odamlar tamom yigʻilgan boʻlsalar ham, kattalardan darak yoʻq. — M. Ismoiliy, Fargʻona tong otguncha

uni shu kattalik uchun birlik qilib qabul qilingan bir jinsli kattalik bilan taqqoslash demakdir. Har qaysi fizik kattalikning oʻlchov birligi bor, masalan vaqt birligi 1 (s). hajm birligi 1 (m³).Измерить величину — это значит сравнить её с однородной величиной, принятой за единицу этой величины. Для каждой физической величины приняты свои единицы. Например, единица времени 1 (с), единица объёма 1 (м³).

русскийплощади посева средней величиныанглийскийmedium size of land under crop

sft. 1. s. t. Odatdagidan ancha katta; juda katta.

Kattakon boʻri. Kattakon qovun.

Xonada oʻntacha eski, chang bosgan parta, kiraverishdagi devorga kattakon qora taxta qoqilgan edi. — P. Tursun, Oʻqituvchi

Oʻtirganlar orasida Toʻlqiniy degan soʻz soʻrab, kattakon papkani qoʻltigʻiga qisgancha, minbarga koʻtarildi. — Shukrullo, Qor ham yonar ekan

2. ayn. Katta 3, 8.

Hamza uyingizda kattakon quvonchli voqea yuz berganini aytdi. — K. Yashin, Hamza

Demak, suv chiqadi. Qanday qilib chiqarish esa odamlarning ixtiyorida. Faqat kattakonlar yoʻl qoʻyib bersa boʻlgani. — M. Ismoiliy, Fargʻona tong otguncha.