ot 1. Qalin qogʻoz yoki kartondan toʻrt burchak qilib kesilgan, biror maʼlumot, xabar va shu kabilar yozib qoʻyiladigan varaqcha.
Kartochkaga misol olmoq.
jang-mudofaa kartochkasini chizib-yozib, hammamizni tanishtirdi — T. Rustamov, Mangu jasorat
2. Kichkina karton qogʻozdan qilingan bilet shaklidagi guvohnoma, hujjat.
Vizit kartochkasi.
Murodova partiya bileti va kandidatlik kartochkalarini topshirayotgan edi. — I. Rahim, Ixlos
3. tar. Oziq-ovqat yoki boshqa narsalar taqsimoti normalashtirilgan vaqtda shu narsalarni olish huquqini beradigan, kesib olinadigan taloni bor maxsus hujjat.
Qirq uchinchi yilda oziq-ovqat kartochkalari tarqatadigan idorada uning bir togʻasi ishlar edi. — P. Qodirov, Uch ildiz
4. maxs. ayn. Karta 4.
Kartochkadan foydalanuvchilar bir qancha qulayliklarga ega boʻladilar.
- Kredit kartochkasi Bank tomonidan oʻz omonatchilariga ularning shaxsiy hisobida saqlanayotgan mablagʻlaridan naqd pulsiz tovar sotib olishi yoki turli xizmatlardan foydalanishi uchun beriladigan hujjat-guvohnoma. Kredit kartochkalari chiqaradigan har bir bank, har bir kompaniya ularni olish va ulardan foydalanish qoidalarini oʻzlari belgilaydilar. — Gazetadan