от 1. Худонинг, ғайритабиий кучларнинг аралашуви билан, улар ёрдамида вужудга келадиган ғаройиб ҳодиса(лар), мўжиза.
2. дин. Бирор воқеа-ҳодисанинг қачон ва қандай бўлишини илоҳий билим асосида олдиндан билиш, олдиндан айтиб бериш; башорат.
Каромат ноғорачиларда бўлади. Қўшнингнинг хотини туғса, эрталаб ноғора овозидан билан. — Т. Обидов, Юсуфжон қизиқ
3. эск. Олдиндан айтилган хабар, фикр-мулоҳаза.
Кароматингиз жуда тўғри.
Эшон ва эшон аянинг ҳар бир гапини каромат билган муридларнинг тушунчасини ўзгартмоқ, эшондан эътиқодини қайтармоқ осон эмас. — С. Аҳмад, Ҳукм
4. Каромат (эркаклар ва хотин-қизлар исми).
- Каромат қилмоқ. 1. Олдиндан айтмоқ, олдиндан билиб, башорат қилиб айтиб бермоқ. Агар шаҳардаги қўл берган донишманд пирим келиб: — Ҳой Мадамин, бир кун эмас, бир кун амалдан ажраб, халқ олдида бўйин эгасан, — деб каромат қилса, пир бўлишига қарамай, қамчи билан роса савалардим. — П. Турсун, Ўқитувчи;Худди деҳқонларнинг юрагига қўл солиб, дардини топгандай, каромат қилиб айтишини қаранг-а. — Р. Файзий, Чўлга баҳор келди
- Каромат кўрсатмоқ Ўқиб, нима каромат кўрсатардингиз, болам? Жуда шаҳар олиб берармидингиз ? М. — Жалолиддинова, Журъат— Доктор чақирайми, Полвон амаки? — Қўй, иним докторинг нима каромат кўрсата оларди. — Р. Раҳмон, Меҳр кўзда
- Соҳиби каромат Олдиндан айтувчи, башорат қилувчи.