Поиск

ot 1. tib. Kasallikdan til ustida paydo boʻladigan oq qatlam.

Til karash bogʻlab qolgan boʻlsa, yaxshilab artish zarur. — N. Ismoilov, Kasallarni parvarish qilish

Kasallikning boshlanishida til usti quruq va oq karash boʻladi. — H. Hakimov, Oʻtkir appenditsit

2. koʻchma Tanadagi kir qatlam.

oyogʻidagi qavat-qavat paytava, qotib ketgan jun paypoqni yechayotgan Mehrinisoning koʻngli allanechuk boʻlib ketdi: — Oyoqlaring karash boʻlib ketibdi. — R. Fayziy, Hazrati inson

ot Birovga yoqish uchun gavda, ayniqsa, yuz-koʻz bilan qilingan nozli harakat; qichiq.

Karashma qilmoq.

— Ketay deb oʻrnimdan turgandim, — dedi Zarifa Sheralidan koʻz uzmay, karashma bilan uning diqqatini oʻziga jalb etishga tirishib. — S. Karomatov, Oltin qum

sft. Noz-karashma qiladigan; nozli; noz-karashma bilan ijro etilgan.

Karashmali qiz. Karashmali harakat.

[ Qiz:] — Mana bu uzumni oling, juda yaxshi pishibdi, qoʻlimni qaytarmang! — dedi-da, yigitlarning koʻnglini larzaga soladigan shoʻx, karashmali kulgi bilan kuldi. — Oybek, Tanlangan asarlar

fl. Karash paydo boʻlmoq, karash qoplamoq.

Bemorning [qorin tifi bilan ogʻrigan] tili karashlanadi. — Gazetadan

ot Noz va karashma; noz va ishva(lar).

Toʻraning koʻngliga shu paytda na goʻzal yosh xotinning taʼzimi, na uning noz-karashmasi va na bezaklari sigʻar edi. — J. Sharipov, Xorazm

Laʼli oʻrnidan turib, sochlarini tuzatdi. Chiroqni pasaytirdi-da, noz-karashma bilan Boʻldi, uxlang! dedi. — H. Gʻulom, Mashʼal

ot ayn. Noz-karashma.